АҞӘА, ԥхынгәы 24 – Sputnik, Ренат Ԥачалиа. Аҟәа ақалақь ахадара иаднакылеит аӡбара Багаԥшь ихьӡ зху ашҭаҿы ашәҭқәа еиҭаҳаны ашәҭран аҟаҵара ацынхәрас аӡыршә ықәдыргыларц. Абри атәы Sputnik иазаалыцҳаит ақалақь ахадара архитектура аусбарҭа аиҳабы Светлана Шеменкова.
Аиндаҭлара аганахьала ажәалагалақәеи азыҳәақәеи ыҟоуп, аха апроекттә ӡбамҭа хада ахьыҟам азы аҿҳәара ԥхынҷкәынмзанӡа инахоуп. Шеменкова илҳәеит аӡыршә шықәыргылахо, аха уи аамҭала акәхар шауа.
"Аӡыршә андыргылалак ашьҭахь зыпроект аҿы аӡыршә арбам еиндаҭлаҩык даиааир, аӡыршә ықәганы апроект ишарбоу аусурақәа хацыркхоит", - лҳәоит Шеменкова.
Шеменкова иазгәалҭеит аԥхьанатә ашәҭран аиҭашьақәыргылара шрыгәҭакыз, аха аусурақәа ианрылага ашьҭахь ақалақьуаа аӡыршә ыҟазар шырҭахыз атәы азгәарҭо иалагеит ҳәа.
Аҟәа, амшын аԥшаҳәаҿы лаҵарамзазы иалагеит атротуартә хаҳә аԥсахра, аҵлақәа рдацқәа рыркьаҿра, аресторан "Амра" инаркны аресторан "Аԥра" аҟынӡа зықә ҳаракым аныҟәарҭа аҟаҵара.
Аԥсны аҩбатәи ахада Сергеи Багаԥшь ибаҟақәа рықәыргылара азыԥхьагәаҭоуп Аҟәеи Очамчыреи.
Иара убас шәаԥхьар ҟалоит:
- Аҟәеи Очамчыреи иргылахо Багаԥшь ибаҟақәа рыпроектқәа рыдкылара аҿҳәара инахоуп
-
Адлеиба Багаԥшь ибаҟа аргыларазы аицлабразы: аԥснытәи асахьаҭыхыҩцәа иаҳа ирзымариахон
