Хра злоу ахҭысқәа: Ашәуа зылшарақәа ԥку аибашьра аветеранцәа рфонд 2019-тәи аҳасабырба иазкны
"2019 шықәса рзы аилагарақәа аҭыԥ рыман ирацәаны. Иҳәан 33 миллион мааҭ иишамкәа ишан ҳәа, избанзар уи ишақәнагаз акәымкәа, ишабалак ахы иархәан. Иахьатәи аамҭаз уи ариашара ҳаҿуп иахьынӡазалшо. Аинвалидцәа рсиагьы даара ирацәоуп. Изыхәҭои изыхәҭами ҳәа ҳармыхәаԥшкәа х-нызықьҩык рҟынӡа инеит. Урҭ реиҳараҩык аибашьра ааигәара иҟамызт. Абарҭ зегьы ариашара ҳаҿуп уажәазы. Ииашамкәа аԥарақәа шшаз ақьаадқәа рҿы иубоит, уи зегь артытра ҳаналага иаабеит аӡәы ессымза днеины аԥара игар шауаз, даҽаӡәы зынӡа дымнеир ауан. Аилыргара ҳаҿуп, даара зегь еилататоуп. Убри ауп ҳусура асиа ашьақәыргыларала ҳзалагаз", - ҳәа еиҭеиҳәеит Ашәуа.
Иаҳа инеицыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.
Иара убас шәаԥхьар ҟалоит:
