Аԥсны Ахада ауааԥсыра рахь ааԥхьара ҟаиҵеит

© Sputnik / Томас ТхайцукПК Аслана Бжания
ПК Аслана Бжания - Sputnik Аҧсны
Анапаҵаҩра
Аԥсны ауааԥсыра акоронавирус рацәыхьчаразы аоперштаб адыррала, иахьатәи аамҭазы ареспубликаҿ 63 чымазара хҭыс азгәаҭоуп. Урҭ рҟынтәи 37-ҩык ргәы бзиахахьеит, ҩыџьа рыԥсҭазаара иалҵит.

АҞӘА, ԥхынгәы 29 - Sputnik. Аԥсны ахада Аслан Бжьаниа атәылаҿы аепидемиологиатә ҭагылазаашьа аицәахара инамаданы ажәлар рахь ааԥхьара ҟаиҵеит. Ааԥхьара аланарҵәеит атәыла ахада ипресс-маҵзура.

Бжьаниа иазгәеиҭеит атәыла анапхгара иҟоу аҭагылазаашьа бзианы ишеилыркаауа, аҳәаа ахьаркугьы ажәлар рыбзазара ианаҭо анырра шырбо, аха аԥыжәара зырҭо атәылауаа ргәабзиара шакәу.

"Ҳара атәылауаа ргәабзиареи рыԥсҭазаареи еиҳау ак ыҟам ҳәа иазаҳаԥхьаӡоит", - иҳәоит аҳәынҭқарра ахада.

Иара убасгьы иҳәеит Урыстәылеи Аԥсни рҳәынҭқарратә ҳәаа ганкы мацарала аартра шзалымшо. Убри аан аԥсуа гани аурыс гани иааиԥмырҟьаӡакәа аинырра рымоуп атәылақәа рыҩбагьы ртәылауаа ргәабзиареи рыԥсҭазаареи рзы еиҳа ишәарҭадоу аӡбара адкыларазы.

Таможенный контроль на КПП Псоу  - Sputnik Аҧсны
Аԥсуа-аурыс ҳәаа ахысра иацу аԥкырақәа нанҳәа 4-нӡа рыҿҳәара иацҵоуп

"Хара имгакәа уи ак азаҳаӡбоит. Аԥсны анапхгара ирылшо зегь ҟарҵоит ауааԥсыра рзы аепидемиа ахҟьаԥҟьақәа шәарҭара дук рыламларц. Ауааԥсыра авирус рацәыхьчара иадҳәалоу азҵаарақәа зегьы рыӡбара ахылаԥшра ҷыда асҭоит", - иҳәеит Бжьаниа.

Ахада ажәлар зегь рахь ааԥхьара ҟаиҵоит ачҳара аадырԥшырц, иазгәеиҭеит Аԥсны ажәлар еицәаз аҭагылазаашьақәагьы аҟәышреи ачҳареи рыманы ишалҵыз.

Аслан Бжьаниа иара убасгьы аҳәара ҟаиҵеит апандемиа аамҭаан еиҳа ашәарҭара иҭагылоу ауааԥсыра ркатегориақәа, аԥхьатәи ацәаҳәаҿы игылоу аҳақьымцәа ирызхәыцырц.

Ԥхынгәы 29 рзы Аԥсны Апарламент аиҳабы Валери Кәарҷиа ишьақәирӷәӷәеит адепутатцәа руаӡәк COVID-19 имоуп ҳәа ирыларҵәоу аинформациа.

Акоронавирус иазку егьырҭ ажәабжьқәа шәрыԥхьар ҟалоит абра>>

 

Ажәабжьқәа зегьы
0