Қырҭтәыла иҟоу Аԥсны атәылауаа рзы агуманитартә коридор аатит

© Sputnik / Сергей Пятаков / Афотобанк ахь аиасраПограничный пункт "Ингур" в Гальском районе Абхазии
Пограничный пункт Ингур в Гальском районе Абхазии - Sputnik Аҧсны
Анапаҵаҩра
Yandex newsTelegram
Қырҭтәылантәи ҳтәыла иҭало зегьы ргәабзиара агәаҭаразы амедико-санитартә хылаԥшра иахысроуп.

АҞӘА, нанҳәа 5 - Sputnik. Аԥсны иаанартыз ахылаԥшра-аушьҭырҭатә ҭыԥ "Егры" ала ареспубликахь ихынҳәыр рылшоит Қырҭтәыла иҟоу Аԥсны атәылауаа ҳәа аанацҳауеит Аԥсны АШәМ асаит.

Агуманитартә коридор аус ауеит нанҳәа  5 - 9 рыбжьара асааҭ 9:00 инаркны 19:00 сааҭ рҟынӡа. 

Аҳәынҭқарратә ҳәаа ахысра ҟалоит абарҭ адокументқәа умазар:

  • Атәыла анҭыҵ ауаҩы ихаҿра шьақәзырӷәӷәо Аԥсны атәылауаҩ итәылауаҩшәҟәы;
  • Аԥсны атәылауаҩ иҩнуҵҟатәи азеиԥшуаажәларратә тәылауаҩшәҟәы (2016 шықәсазтәи);
  • Аԥсны аҵакыраҿы иааиԥмырҟьаӡакәа инхо аҳәаанырцә тәылауаҩ, ма атәылауаҩра змам ахаҿы анхарҭа аиуразы ишәҟәы;
  • Аԥсны Аҩнуҵҟатәи аусқәа рминистрра ирынаҭаз аформа №9 ала аилыркаага;
  • 14 шықәса рҟынӡа зхыҵуа ахәыҷқәа ирымазароуп аиразы аршаҳаҭга.

Аамҭала Қырҭтәыла иҟаз Аԥсны атәылауаа хынҳәырц азы ԥхынгәы 13-17 рзы иаартыз агуманитартә коридор ала  1269-ҩык инареиҳаны ауаа хынҳәит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

Ажәабжьқәа зегьы
0