АҞӘА, нанҳәа 10 - Sputnik. Галтәи араионтә хәышәтәырҭа аҳақьым хада инапынҵақәа аамҭала инаигӡалоит аҳақьым-анеирохирург Асҭамур Гамгьиа. Абри атәы аанацҳауеит Гал ТВ.
Нанҳәа 10 рзы аусдҵа инапы аҵеиҩит Гал араион ахада Константин Ԥлиа.
Гамгьиа аҳақьым хада инапынҵақәа неигӡалоит хымз рыҩныҵҟа. Иара ихаҭыԥуаҩыси араион асанитартә ҳақьым хадаси дыҟоуп Мактина Гьергьедааԥҳа.
Гамгьиа иазгәеиҭеит иусураҿы ихадараны ииԥхьаӡо ахәышәтәырҭахь инанаго ачымазцәа иаразнакала ацхыраара рыҭареи ареанимациатә ҟәшеи русура реиҿкаара шракәу.
Аусҳәарҭа уаанӡатәи аҳақьым хада Гьаргь Шьониа хатәгәаԥхарала арзаҳал иҩит игәабзиаратә ҭагылазаашьа инадҳәаланы инапынҵақәа шышьҭеиҵо азы.
Иара убас шәаԥхьар ҟалоит:
- Галтәи араионтә хәышәтәырҭа хада аиҳабы инапынҵақәа шьҭеиҵеит
-
Галтәи ахәышәтәырҭа аҳақьым хада аметадон адкыларазы ахараԥса иқәырҵеит
