Аԥсны АҶА аквадроцикл аҟынтәи аӡы иагаз атуристка лыԥшаара иацырҵоит

© Foto / пресс-служба МЧС РАСотрудники МЧС ведут поиски
Сотрудники МЧС ведут поиски  - Sputnik Аҧсны
Анапаҵаҩра
НовостиTelegram
Ҩыџьа атуристцәа зықәтәаз аквадроцикл Риҵаҟа узгоз амҩа иаҿҟьеит нанҳәа 12 рзы.

АҞӘА, нанҳәа 13 – Sputnik, Асмаҭ Ҵәыџьԥҳа. Аквадроцикл аҟынтәи Бзыԥ аӡы иагеит ҳәа иршьо атуристка лыԥшаара иацырҵоит. Абри атәы Sputnik иазаарыцҳаит Аԥсны Аҭагылазаашьа ҷыдақәа рминистрра апресс-маҵзураҟынтә.

Сотрудники МЧС ведут поиски  - Sputnik Аҧсны
Атуристцәа зықәтәаз аквадроцикл Бзыԥ аӡиас иалаҳаит

"Макьаназы аԥшаарақәа лҵшәадоуп. Аԥшаарақәа ирылахәуп Аԥсны АҶА Гагратәи аҟәша аусзуҩцәа", - ҳәа азгәарҭоит аусбарҭаҿы.

1998 шықәса рзы ииз арԥыси аԥҳәызбеи Аԥсныҟа ԥсшьара ҳәа иааит Санкт-Петербургнтә. Аквадроцикл қьырала иргеит.

Аӡиа Риҵахь узго амҩа ажәбатәи акилометр иахьаҵанакуа аҷкәын аԥсҟы импыҵҟьеит, аквадроцикл ааҳәын аӡиас иалаҳаит.

Аҷкәын ибыргәым аахақәа иоуит, аквадроцикл Бзыԥ аҟәараҿы ирбеит.

Аӡӷаб амҩатә машәыр ахьыҟалаз аҭыԥ аҿы дрымбеит, убри азы аӡаҿы лыԥшаара иалагеит.

Иара убас шәаԥхьар ҟалоит:

Ажәабжьқәа зегьы
0