АҞӘА, нанҳәа 24 - Sputnik. Аԥсшьаразы анхарҭаҭыԥқәа ахьҿарҵо амаҵзура Tvil.ru асоциалтә ҳақәа рхархәаҩцәа рҟны азҵаарақәа мҩаԥганы иреиӷьу аҩгьамабаратә туризм азы ахырхарҭақәа рреитинг шьақәнаргылеит.
Атуристцәа реиҳараҩык, 61,63%, иалырхит Ҟрым аҭыԥантәи аҩқәа ргьамабаразы. Аҩы абзиабаҩцәа рзы аԥсшьаразы аҩбатәи аҭыԥ ааннакылеит Аԥсны, 20,93%.
Урыстәылатәи атуристцәа иара убас аҩгьамабаратә "ныҟәарақәа" рахь ицоит Краснодартәи атәылаҿацә ахь, 16,28%. 1,16% заҵәык атуристцәа цоит Ростовтәи аобласт аҿы донтәи аҩқәа рыжәразы.
Уаанӡа Роскачество иҟанаҵахьаз аҭҵаарақәа инарықәыршәаны, аԥсуа ҩқәа урыстәылаҟа инарго амаркақәа иреиӷьаршьо иреиуахеит.
Аԥснытәи ихәмаруа аҩқәа еиӷьаршьо аҩқәа ахьынтәаарго хә-тәылак иреиуахеит. Урҭ рыбжьара иҟоуп Италиа, Испаниа, Франциа, Португалиа. Аԥсуа ҩыхаақәа ԥшьба Урыстәылаҟа инарго амаркақәа рахьтә иреиӷьу хәба рсиа иаҵанакит 2019 шықәсазы.
Иара убас шәаԥхьар ҟалоит:
- "Акадифаамҭа": атуристцәа аԥсшьаразы Аԥсны иалыркаауа аҭыԥқәа хәба
-
Гагра цәыббрамзазы аԥсшьара ахьеиӷьу аҭыԥқәа жәаба ирыҵанакит
-
Аԥсны сынтәатәи аԥхын аԥсшьаразы иреиӷьу аҭыԥқәа раԥхьа игылоуп
