Аҟәа аҩнеихагылақәа ҩба дырзҩыдеит АҶА аусзуҩцәа

© Foto / МЧС РА11 сентября сотрудники пожарно-спасательного отряда г. Сухум провели дезинфекцию многоквартирных домов № 19 и № 21 по ул. Гумистинская
11 сентября сотрудники пожарно-спасательного отряда г. Сухум провели дезинфекцию многоквартирных домов № 19 и № 21 по ул. Гумистинская - Sputnik Аҧсны
Анапаҵаҩра
НовостиTelegram
Аҩнеихагылақәа рырзҩыдара аус рнапы алакын Аԥсны Аҭагылазаашьа ҷыдақәа рминистрра аусзуҩцәа быжьҩык.

АҞӘА, цәыббра 11 – Sputnik. Аԥсны Аҭагылазаашьа ҷыдақәа рминистрра амцарцәара-еиқәырхаратә отриад аусзуҩцәа Гәымсҭатәи амҩа аҩнқәа № 19, № 21 дырзҩыдеит ҳәа аанацҳауеит аминистрра апресс-маҵзура.

Арзҩыдара рызун аихагылақәа зегьы, аҭыӡқәа, амаакырақәа, аҩны иаԥну аҵакыра. Аусураан амаҭәа ҷыдала еибыҭан.

© Foto / МЧС РААԥсны Аҭагылазаашьа ҷыдақәа рминистрра амцарцәара-еиқәырхаратә отриад аусзуҩцәа Гәымсҭатәи амҩа аҩнқәа № 19, № 21 дырзҩыдеит
Аҟәа аҩнеихагылақәа ҩба дырзҩыдеит АҶА аусзуҩцәа - Sputnik Аҧсны
Аԥсны Аҭагылазаашьа ҷыдақәа рминистрра амцарцәара-еиқәырхаратә отриад аусзуҩцәа Гәымсҭатәи амҩа аҩнқәа № 19, № 21 дырзҩыдеит

 

Уаанӡа, цәыббра 8 рзы, Аԥсны АҶА аусзуҩцәа Аҟәа, Воронов имҩа аҩны №7 аҩналарҭақәа ҩба рҟны арзҩыдаратә усурақәа мҩаԥыргеит. Ишьақәыргылам адыррақәа рыла уа инхоз ԥшьҩык ауаа COVID-19 рыдбалан.

Аԥсны АҶА аминистр Лев Кәыҵниа ишиҳәаз ала, дара аҭыԥ ахь инеиуеит адырра анрыҭахалак.

"Адырра ҳзыҟарҵоит Агәабзиарахьчара аминистрраҟынтә, уа еиҳа ииашоу аинформациа рымоуп. Уи адагьы еиуеиԥшым аусбарҭақәа рҟынтәгьы адырра ҳарҭалоит", - иҳәеит иара.

Аԥсны Аҭагылазаашьа ҷыдақәа рминистрра акоронавирус COVID-19 аҽацәыхьчаразы абжьгарақәа ҟанаҵоит: асабрадақәа, анапҭырԥақәа ныҟәгалатәуп, ауадақәа аҳауа рыҩнарслатәуп, арзҩыдара маҭәашьарқәа ахархәара рыҭалатәуп ҳәа.

Иара убас шәаԥхьар ҟалоит:

Ажәабжьқәа зегьы
0