Аҟәа аҵара Аусбарҭа: 180-ҩык ашколхәыҷқәа аҽԥхьакратә режим рымоуп

© Foto / Виталий Тимкив / Амедиаҵәахырҭахь аиасраДистанционное обучение школьников
Дистанционное обучение школьников - Sputnik Аҧсны
Анапаҵаҩра
Аԥсны ахада Аслан Бжьаниеи аԥыза-министр Александр Анқәаби алахәны имҩаԥысит аоперштаб аилатәара цәыббра 15 рзы.

АҞӘА, цәыббра 15 – Sputnik. Иахьатәи аамҭазы 180-ҩык ашколхәыҷқәа аҽԥхьакратә режим рымоуп ҳәа лҳәеит аилатәараҿы Аҟәа ақалақь ахадара аҵара Аусбарҭа аиҳабы Асҭанда Ҭаркьылԥҳа.

"Иҟоуп ҳабжьагарала классла аҽԥхьакрахь иахьцаз. Убри аҩыза аҭыԥ амоуп ажәабатәи ашкол аҿы, аԥшьбатәи ашкол аҿы. Аиҳарак ашкол дуқәа рҿоуп. Иахьазы 180-ҩык ахәыҷқәа аҽыԥхьакратә режим иаҵанакуеит", - лҳәеит лара.

Аҵаҩцәа рхыԥхьаӡара ахьмаҷу ашколқәа рҿы акоронавирустә инфекциа апроблема ыҟам ҳәа азгәалҭеит Ҭаркьылԥҳа.

Карантин в школах - Sputnik Аҧсны
Аҟәатәи ашколқәа рҵаҩцәа жәаҩык COVID-19 рыдбалоуп

"14 зеиԥшҵаратә школ рҟынтәи ааба рҟны  арҵаҩцәа роума аҵаҩцәа роума кьыс рымам. Ашкол дуқәа рҿоуп апроблема ахьцәырҵуа. Аҵаратә график ҳармариеит. Атематикатә усурақәа, афакультативтә усурақәа мап рцәаҳкит. Ауаа рацәа реизара иахьынӡалшо иаԥҳарҟәҟәаауеит", - лҳәеит лара.

Амедикцәа рабжьгарала аҵаратә хыбрақәа рыҩналарҭақәа зегьы аартуп, ахәыҷқәа реинырра рмаҷуп.

"Ашколқәа зегьы рыҟны амедицинатә усзуҩцәа ыҟоуп. Шьыжьы инаркны ахәыҷқәа ршоура ршәоит, арзҩыдаратә маҭәашьарқәа рыдыргалоит", - лҳәеит Асҭанда Ҭаркьылԥҳа.

Иахьазы Аԥсны авирус рымоуп 674-ҩык, 186 пациент ргәы бзиахеит, быжьҩык ԥсхьеит. Уажәазы Гәдоуҭатәи ахәышәтәырҭа иҭоуп 65-ҩык. Адиагноз рзықәыргылоуп - 62 пациент. Ааҩык рҭагылазаашьа хьанҭоуп, 19-ҩык бжьаратәуп. Шәачеи Дагомыси ҩыџьа ауаа шьҭоуп.

Ажәабжьқәа зегьы
0