Апарад ада: Аиааира Амш азтәи ауснагӡатәқәа рпрограмма ркьаҿуп

© Sputnik / Томас ТхайцукВоенный парад, посвященный 25-летию Дня Победы и Независимости Абхазии, на площади Свободы в Сухуме
Военный парад, посвященный 25-летию Дня Победы и Независимости Абхазии,  на площади Свободы в Сухуме   - Sputnik Аҧсны
Анапаҵаҩра
НовостиTelegram
Цәыббра 24 рзы Аԥсны Апарламент адепутатцәа Аиааира Амш 27 шықәса ахыҵразы амассатә уснагӡатәқәа мҩаԥымгазарц азы Аслан Бжьаниа иахь аҳәара ахьыҟарҵо ақәҵара рыдыркылеит.

АҞӘА, цәыббра 25 – Sputnik. Аԥсны иахьаҵанакуа аепидемиологиатә ҭагылазаашьа еиҳа-еиҳа иахьыцәгьахо инадҳәаланы Аҟәа ақалақь Ахақәиҭтәра Амши (цәыббра 27) Аиааира Амши (цәыббра 30) рзы иазԥхьагәаҭаз ауснагӡатәқәа рплан еиҭакуп ҳәа Sputnik адырра арҭеит Аԥсны Аминистрцәа Реилазаара апресс-маҵзураҿы.

Бессмертный полк в честь Дня Победы в Сухуме - Sputnik Аҧсны
Адепутатцәа атәыла ахада иҳәеит Аиааира Амш азы амассатә уснагӡатәқәа мҩаԥымгазарц

Аҟәа ахақәиҭтәра амш аҽны, цәыббра 27 рзы имҩаԥгахоит 1992-1993 шықәсқәа рызтәи Аԥсны жәлар Рџьынџьтәылатә еибашьраҿы иҭахаз рбаҟа аҿаԥхьа ашәҭшьыҵәрақәа рышьҭаҵара асааҭ 10:00 рзы.

1992-1993 шықәсқәа рызтәи Аԥсны жәлар Рџьынџьтәылатә еибашьраҿы Аиааира Амш азы Аҟәа, Ахьӡ-аԥша апарк аҿы ашәҭшьыҵәрақәа шьҭарҵоит асааҭ 10:00 рзы.

Асааҭ  12:15 рзы Аԥсны Раԥхьатәи ахада Владислав Арӡынба имемориал аҿаԥхьа ашәҭшьыҵәрақәа шьҭарҵоит, асааҭ 13:00 рзы – Аԥсны Аҩбатәи ахада Сергеи Багаԥшь анышә дахьамадоу Џьгьарда ақыҭа иаҭаауеит.

Асааҭ 18:00 рзы Амҳаџьыраа рыԥшаҳәаҿы аԥсуа естрада ашәаҳәаҩцәеи арҿиаратә коллективқәеи рконцерт мҩаԥысуеит.

Аԥсны Аминистрцәа Реилазаара апресс-маҵзураҿы иазгәарҭеит иҟоу аҭагылазаашьа иаҿырԥшны акциа "Ԥсра зқәым архәҭа" шымҩаԥымгахо атәы.

Ажәабжьқәа зегьы
0