Апроект "Аԥсны агәадура" афиналист Абзагә Ҵәыџьба акультура аминистр иабжьгаҩыс дҟаҵоуп жәларбжьаратәи аимадарақәа рхырхарҭала.
Апортал "Аԥсуара" азы атекст азирхиеит аԥсуа поет Анатоли Лагәлаа.
"Аԥсны агәадура" еиҿнакааз "Аԥсуара" захьӡу апортал иаҭахыижьҭеи акрааҵуеит. Иахьа аҿар ирдыруазароуп ҳаԥсуара, ҳаламыс, ҳқьабз, ҳаԥсуа дацқәа. Иахьнеиуа-иахьааиуа акыршықәса ҵуеит срыцклаԥшуеижьҭеи, иҟоуп ибзианы издыруа ҳатрадициақәа, аха иаҳа ирацәаҩуп уи иацәыхҟьо, иззымдыруа. Сара исҭахуп аԥсуа данаасԥылалак, еиҳарак аҿар, илыжжуазар аԥсуара. Аԥсуа анихьыӡха дахьнеилакгьы иаразнак дудыруазароуп. Араҟа иҟоу атекстқәа наукала иҭҵааны иҟаҵамзаргьы, иахьеи-уахеи ҳазлагылоу аԥсҭазаараҿы, аԥсуа ихәҭоу, иидырша аԥсуа традициақәа зегьы уԥшаар ҟалоит, абра рыӡбахә ҳәоуп", - ҳәа еиҭеиҳәеит Лагәлаа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
Иара убас шәаԥхьар ҟалоит:
- "Аԥсны агәадура" аиааирагаҩцәа руаӡәк Аԥсуара аҵаразы онлаин-цхыраагӡа аԥиҵеит
-
Ҩышықәса рыла абызшәа аҵара: "Аԥсны агәадура" афиналист Гал апроект шымҩаԥиго
