АҞӘА, жьҭаара 13 – Sputnik, Асмаҭ Ҵәыџьԥҳа. Ақалақь ахадара атәылауаа рыдкылара ааннакылеит атәылаҿ иҟоу аепидемиологиатә ҭагылазаашьа хьанҭа инадҳәаланы. Абри атәы Sputnik иазаанацҳаит аусбарҭа апресс-маҵзура.
"Акоронавирус рымазар ҟалоит ҳәа агәызҩара ззыҟоу рыда егьырҭ аусзуҩцәа аусура иҭыҵуеит. Аҭел иасуа аҭак рырҭоит, аелектронтә ԥошьҭахь иаарышьҭуа ашәҟәқәагьы иара убас", - ҳәа рҳәеит апресс-маҵзураҿы.
Аҭааҩцәа рыдкылара анхацыркхо макьаназ еилкаам.
Аԥсны еиҳа-еиҳа еизҳауеит COVID-19 змоу рхыԥхьаӡара. Иахьазы иазгәаҭоуп 2343-ҩык, 854-ҩык ргәы бзиахахьеит, 23–ҩык ԥсхьеит.
Иара убас шәаԥхьар ҟалоит:
-
Аҟәа ахадара асоциалтә еиқәыршәара аусбарҭаҿ акарантин алагалоуп
-
Акоронавирус аламырҵәаразы аԥкра ҿыцқәа алагалоуп
