Аԥсны Апарламент адепутатцәа Гәдоуҭатәи аковидтә госпиталь иаҭааит жьҭаара 10 рзы. Уи ашьҭахь аҿкы COVID-19 ԥхьаҟа аламырҵәаразы абжьгарақәа ҟарҵеит атәыла ахадеи аԥыза-министри рахь.
"Аҭагылазаашьа даара иуадаҩуп, уи атәы иахьа Аԥсны иззымдыруа дыҟам ҳәа сгәы иаанагоит. Аҭагылазаашьа есааира аҽарӷәӷәоит. Агоспиталь аҟны аҳақьымцәа ацхыраара ахьырҭаху рацәоуп атехникатә мзызқәа ирыхҟьаны. Уаҟа гәыкԥсыкала аус зуаз ауаа чмазаҩхо иалагеит. Иахьатәи амш азы аепидемиа нкылашьас иамоу мызкаҟынӡа ԥсеивгарк роуртә алшара аԥҵатәуп. Аизара ҟаҳҵеит адепутатцәа, 21-ы ҳаҟан, иҟаҵатәу ҳәа ҳгәаанагара ахәҭаҷқәа рыла ианҵаны иҳадаҳкылеит, аҳәынҭқарра ахада иахь ааԥхьара ҟаҳҵеит дадгыларц. Апрезидент усҟантәи иԥҟарақәа ирыциҵеит жьҭаара 15 инаркны абҵара 24-нӡа. Ажәлар зегьы еилыркаароуп арежим ҳацныҟәар, ачымазара наҳкылар шауа", - ҳәа азгәеиҭеит Чамагәуа.
Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.
Иара убас шәаԥхьар ҟалоит:
-
Аԥсны Апарламент COVID-19 азы аиҳабыра ирыднагалеит аԥкрақәа дырӷәӷәарц
-
Аԥсны акоронавирус аламырҵәаразы аԥкра ҿыцқәа амч роуит
