Уахыки-ҽнаки рыла 136-ҩык акоронавирус шрылаз аадырԥшит Аԥсны

© Sputnik / Томас ТхайцукРоссийский военный госпиталь в Сухуме принял первых пациентов
Российский военный госпиталь в Сухуме принял первых пациентов  - Sputnik Аҧсны
Анапаҵаҩра
НовостиTelegram
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 3172-ҩык ыҟоуп. Урҭ рахьтә ргәы бзиахеит 1278-ҩык, рыԥсҭазаара иалҵит 32-ҩык.

АҞӘА, жьҭаара 21- Sputnik. Иҳаҩсыз уахыки-ҽнаки рыла COVID-19 рцәа иалоу иаламу аилкааразы атестқәа 390-ҩык ирзыҟаҵан, урҭ рахьтә 136-ҩык акоронавирус адиагноз рзышьақәырӷәӷәоуп ҳәа аанацҳауеит Ауааԥсыра акоронавирус рацәыхьчаразы аоперативтә штаб.

Жьҭаара 19 рзы Гәдоуҭатәи агоспиталь аҿы иԥсҭазаара далҵит 71 шықәса зхыҵуаз акоронавирус адиагноз ззышьақәырӷәӷәаз апациент, иара аҿкчымазаратә ҟәша дҭашәеит мчыбжьык аԥхьа. Иақәнагаз атерапиа шизымҩаԥыргозгьы, иара идунеи иԥсахит.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 150-ҩык апациентцәа, урҭ рахьтә 124-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 30-ҩык, ибжьаратәуп - 76-ҩык, илҩаауп 11-ҩык апациентцәа. Гәдоуҭатәи агоспиталь уахыки-ҽнаки рыла иҭашәеит 11-ҩык ачымазцәа.

Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбало жәаҩык апациентцәа. Дара рҭагылазаашьа бжьаратәуп ҳәа иԥхьаӡоуп.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа зегьы шәрыԥхьар ҟалоит абра>>

Ажәабжьқәа зегьы
0