Гагра ӡыла аиқәыршәара етап-етапла имҩаԥгахоит

© Sputnik / Юрий Лашов / Амедиаҵәахырҭахь аиасраСитуация с питьевой водой в Крыму
Ситуация с питьевой водой в Крыму - Sputnik Аҧсны
Анапаҵаҩра
НовостиTelegram
Ҩымзҟа раԥхьа Гагра, Кемпинг араион аҿы аӡымҩангагақәа рыԥсахра иалагеит.

АҞӘА, жьҭаара 29 – Sputnik, Бадри Есиава. 300 метра инаӡо аӡымҩангагатә цәаҳәа ԥсахуп Гагра, Кемпинг араион аҿы ҳәа Sputnik иазеиҭеиҳәеит Гагра араион ақалақь анхамҩа Аусбарҭа аиҳабы Роман Чагәаа.

"Ара имҩасуаз аӡымҩангага асистема баахьеит. Аӡы атрубақәа ирҭыкәкәон. Убри азы  иҳаӡбеит ара игыло аҩнқәа рҟынӡа аӡыҭгагаҟынтә  атруба ҿыцқәа шьҭаҳҵарц. Амагистраль аура хышә метра инаӡоит", - иҳәеит Чагәаа.

Иара иазгәеиҭеит аӡы атрубақәа иахьрыцәцоз аҟнытә аҩнеихагылақәа рподвалқәа ӡыла ишыҭәуаз. Жьҭаара 28 ма 29 рзы арҭ ахыҩнык рахь аӡы амагистраль ҿыц ала инеиуа иалагоит. Аусурақәа ҩымз аамҭа ргеит.

Сезонное отключение воды в Великом Новгороде - Sputnik Аҧсны
Иажәхьоу атехникеи хуаадарыла аӡныхреи: избан Гагра аӡы аиура зыпроблемоу

Кемпинг араион аҿы ӡыла ауааԥсыра реиқәыршәара иааидкыланы ихәарҭам  ҳәа ахиҳәааит  Чагәаа. Иагьазгәеиҭеит  апрофильтә структурақәа апроооблема рыӡбар шакәу. Хара имгакәа иԥсаххоит Лакоба имҩаҿы 200 метра аӡымҩангагақәа.

"Аусура ҳаналагалак аԥынгылақәа рацәаны иҟалоит. Ажәытә трубақәа ма акабель ахьышьҭоу ҳақәшәар ауеит", - еиҭеиҳәоит Чагәаа.

Иааидкыланы Гагра ақалақь аӡеиқәыршәара проблема дууп ҳәа иҳәоит иара. Ажәытә ӡымҩангагақәа реиԥш иажәхьеит аӡыҭгагатә станциақәа.

Афымцарцәараан урҭ русура еиԥҟьоит. Иара убасгьы шықәсқәак раԥхьа аремонт зызуыз аӡеизакырҭақәа руак ашьшьара аиуит.

Чагәаа иҳәеит иахьазы аӡы графикла мышкахьы ҩба-хԥа сааҭ ауаа ироуеит ҳәа. Ауаа ари агәынамӡара рнаҭоит аха иҟоуп аҭагылазаашьа еилызкаауагьы ҳәа азгәеиҭеит иара.

Уаанӡа иазыԥхьагәаҭаз планқәак коронавирустә пандемиа иахырҟьаны ус иаанхеит ҳәа азгәеиҭеит Роман Чагәаа.

Ажәабжьқәа зегьы
0