"Аҩыҟаҵара, аӡахәааӡара акәӡам сара исҵаз, аха атәанчарахьы санца ишьҭысхыз ауп. Ари аус ауаҩы дҭышәынтәалан дҟанаҵоит, имарымажаха аҩы анумоу, ауаа ианрыуҭо, угәы ҟанаҵоит. Ҳара ажәытәан иҳаман ажьхкы бзиа. Иара аҳарданыжь ҳәа иашьҭоуп. Изабелла ҳәа еицырдыруа иазааигәоуп. Убри изабелла абра ианықәнагала инаркны ҳара ҳаԥсуа жьқәа жәытә-натә аахыс ара иҳамаз, егьырахь адунеи аҿы иҟамыз, ҳарӡит. Шьаҿақәак ҟаҵоуп урҭ реиҭашьақәыргылараҿы, аха макьана иҭарҭбааны уалаҽхәартә еиԥш акгьы ҳзыҟамҵац. Ақыҭанхамҩа институт аҿы уи аганхьалагьы еиҿкааны акгьы рымам. Иара ҳкаҷыҷгьы абжьаӡра иаҿуп, шьаҭак џьара иузаахом. Абас хәыҷы-хәыҷла аизгара аиҭаҳара аԥсуаа ҳажьхкқәа. Аԥсны доусы шьаҭак -шьаҭак еиҭарҳар, ҳаԥсуа жьқәа иҟалап аамҭақәак рышьҭахь ԥыҭк шьақәҳаргылар ", – еиҭеиҳәеит Ашәба.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Иара убас шәаԥхьар ҟалоит:
- Акаҷыҷ, Аҳардан, Амлахә: аӡахәа, ажь, аҩы аԥсуаа ркультураҿы
-
Ҩышә шықәса зхыҵуа аӡахәашьапы: аԥсуа ажь хкқәа еиҭашьақәдыргылеит
-
Аӡынба аԥсуа ажь хкқәа ирызкны: иаҳцәыӡыз рацәоуп, еиқәырхатәугьы ыҟоуп
