Аԥсны ахада Аслан Бжьаниа ажурналист даниацәажәоз иҳәеит ажьырныҳәа анҵәамҭазы - жәабранмзазы Аԥсныҟа ишаагахо акороновирус аҟынтәи алаҵа.
"Алаҵа иҟауҵо зызкызаалакгьы ауаҩы иҭахны иҟаиҵозароуп, мчыла аӡәгьы илаҳҵаӡом. Иара акороновирус иазку алаҵа еиҳаракгьы аҳақьымцәагьы арҵаҩцәагьы ирыдаҳгалоит, ауаа рацәа рҟны аус зуа. Ари авакцина ауаа рылаҵара иаҿуижьҭеи ҩба-хԥа мзы ҵуеит, иара ахкқәагьы ҩба-хԥа ҟалахьеит. Ҳколлегацәа аҳәаанхыҵ аус зуа ҳрацәажәахьеит, иҟоуп зшоура хало, зшьапы-знапы зыхьуа, аха уадаҩра ӷәӷәак рызцәырнагомызт. Шьҭа аамзы иреиҳауп ари аҿкы чымазара змоу аус рыдаҳулоижьҭеи, иаҳбоит иаҳа-иаҳа ишыӷәӷәахо ачымазара, ахы анцәырнага аасҭа. Алаҵа ҳаур, ауаажәлар ахьчап ҳәа сгәы иаанагоит. Макьана аамҭа ҳамоуп, алаҵа ҭаҳҵаароуп. Иара қәрала ауаа ирыларҵо ҳәа иҟоуп. Ҳара уажәтәи аамҭа иаҳнарбоит ачымазара иаҳа иӷәӷәаны ишырхырго зықәра еиҵоу", - лҳәеит Арҷелиаԥҳа.
Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.
Иара убас шәаԥхьар ҟалоит:
- Бжьаниа Аԥсны акоронавирус аҟынтә алаҵаҟаҵара ианалаго атәы иҳәеит
-
Аԥсны COVID-19 аҟынтә Урыстәылатәи алаҵа аахәаразы аҳәара ҟанаҵеит
-
Аҳақьым акоронавирус азы алаҵа ианымаало ачымазарақәа рыӡбахә иҳәеит
