АҞӘА, ԥхынҷкәын 29 – Sputnik. Иԥсҭазаара далҵит франциатәи амодельер Пьер Карден ҳәа аанацҳаит РИА Новости амаҵзура Франс Пресс адыррақәа ҵаҵӷәыс иганы.
Карден иԥсҭазаара далҵит Париж амҵатәи америкатәи агоспиталь аҿы 98 шықәса дшырҭагылаз.
Пьер Карден – шьҭрала Италиатәыз еицырдыруаз модельерын. Икариера хациркит атеатр аҿтәи сахьаҭыхҩык иҳасаб ала. 1947 шықәса рзы аус иуан Кристиан Диор иҿы, 1950 шықәсазы ихатәы Амода Аҩны аԥиҵеит.
Андре Куррежи Пако Рабани иареи аибашьра ашьҭахьтәи Франциаҿ амода ҳарак дырҿион.
Пьер Карден 500 инареиҳаны ԥҵамҭа иман: иԥшшәырацәоу ақалԥадқәа, амагә хәыҳаракқәа, амаӷрахҵәакьаҿқәа, ашәҭ зқәыԥсоу агалстукқәа реиԥш иҟоу.
Пьер Карден икьаҿқәа ракәын иршәырҵоз рықәгыларақәа раан агәыԥ "Битлз" алахәылацәа.
Иара убас шәаԥхьар ҟалоит:
-
Иԥсҭазаара далҵит ашпионцәа ирызку ароманқәа равтор Џьон ле Карре
-
Ашьапылампыласыҩ Диего Марадона иԥсҭазаара далҵит
