АҞӘА, ажьырныҳәа 8-Sputnik. Риҵатәи ареликттә милаҭтә парк аҵакырахь инарышьҭуам аӡынтәи арезина зҵам автомашьынақәа, ажьырныҳәа 9 инаркны ҳәа аанацҳауеит Аԥсны ААР апресс-маҵзура.
Аӡынтәи арезина зҵам автомашьынақәа Риҵа апарк аҵакырахь рнеира ԥкызаауеит, амилаҭтә парк иуашәшәыроу амҩа ахәҭақәаҟны ашәарҭадара аԥҵаразы.
Иазгәаҭоуп, арҭ аҭыԥқәа рҟны амҩақәа рҿы аҵаа шыхшәыло.
Ажьырныҳәа 8 рзы, ахәылбыҽха автомашьына "Honda" Сталин иҩнахьы игоу амҩаҟны аҿҟьара иагеит. Амашьына аӡиа Риҵа иалаҳаит, аӡәы иԥсҭазаара далҵит. Хҩык апассаџьырцәа иӡааҟәрылоз амашьына аҭыҵра рылшеит.
