АҞӘА, ажьырныҳәа 11-Sputnik. Даур Ақаҩба аҿкычымазара акоронавирус изышьақәырӷәӷәоуп, абри атәы иҳәеит аминистр ихаҭа Facebook идаҟьаҿы.
"Иахьа иасҭаз атест аҭак соуит, COVID-19 сыдбалоуп. Сгәабзиара ҭышәынтәалоуп, аҽыԥхьакра сцеит. Шәгәы бзиаз, шәхы гәашәҭала",- ҳәа иҩуеит Ақаҩба.
Аԥсны асанитартә ҳақьым хада Лиудмила Скорик лажәақәа рыла, иахьазы ҳреспублика иахьаҵанакуа 2000-ҩык рҟынӡа COVID-19 ачымазара рхыргоит.
Ажьырныҳәа 8 инаркны москватәи ахәышәтәырҭақәа руак аҟны иҽыхәышәтәра иациҵоит Аԥсны аԥыза-министр Александр Анқәаб, иара аҿкычымазара идбалан ԥхынҷкәын 30 рзы.
Ԥхынҷкәын 27 рзы акоронавирус ицәа ишалаз аарԥшын Атәыла ахада Аслан Бжьаниа.
Иара убас шәаԥхьар ҟалоит:
- Аԥсны иалагалоу аԥкыратә уснагӡатәқәа рыҿҳәара инахар алшоит жәабран 15-нӡа
