Гәдоуҭа ахәҭак лашарада 12 сааҭ иреиҳаны иҟоуп афымцацәаҳәаҿы авариа иахҟьаны

© SputnikГудаута
Гудаута  - Sputnik Аҧсны
Анапаҵаҩра
Yandex newsTelegram
Астанциа маҷ "Гәдоуҭа-1" аҟны авариа ҟалеит аԥшьаша ажьырныҳәа 21 асааҭ 19:45 рзы.

АҞӘА, ажьырныҳәа 22 – Sputnik, Бадри Есиава. Астанциа маҷ "Гәдоуҭа-1" аҟны авариа ҟалеит аԥшьаша ажьырныҳәа 21 рзы афымцацәаҳәақәа ирықәу аидара иахҟьаны ҳәа адырра ҟарҵоит АУН "Амшынеиқәафымцамч" гәдоуҭатәи афилиал аколл-центр аҿы.

"Уажәазы алашара ыҟам авокзали, Аҳәынҭавтоинспекциа апост "Бамбореи", Лыхны ақыҭа ахәҭаки рҿы. Аремонттә бригадақәа аусура иаҿуп. Ҳақәгәыӷуеит аусурақәа хыркәшахап ҳәа асааҭ 14:00 шыҟоу", - рҳәоит аколл-центр аҿы.

Аоператор иара убасгьы иазгәеиҭеит Гәдоуҭа астанциа маҷқәа зегьы рыҟны аидара хьанҭа шыҟоу шазгәаҭоу.

Майнинг в Абхазии  - Sputnik Аҧсны
Аҟәа афымцалашара лассы-лассы арцәара амзызқәа ирылацәажәеит

"Ацәаҳәақәа рылшара анорма инахыҳәҳәо аидара иаҵоуп. Уи иахҟьаны ацәаҳәақәа былуеит, иӡыҭуеит, амуфтақәа тҟәацуеит", - ҳәа иҳәеит аоператор.

Астанциа маҷ "Гәдоуҭа-1" аҟны авариа ҟалеит аԥшьаша ажьырныҳәа 21 асааҭ 19:45 рзы.

Аԥсны афымцамч иахьатәи аамҭазы иақәу аидара хьанҭа еиҳарак изыхҟьо акриптовалиута аиуразы амаининг аус ахьауа ауп, убри аан ари аусхкы амҩаԥагаразы азин ыҟам 2021 шықәса рашәара 1 аҟынӡа.

Иара убас шәаԥхьар ҟалоит:

Ажәабжьқәа зегьы
0