АҞӘА, жәабран 8 - Sputnik. Александр Анқәаб, аԥыза-министр акоронавирустә инфекциаҟынтәи иҽыхәышәтәра иациҵоит Урыстәыла Афедералтә ҭҵаарадырра-клиникатә центр ФМБА аҟны ҳәа аанацҳауеит Аминистрцәа реилазаара апресс-маҵзура.
"Аҳақьымцәа изларҳәо ала, аиҳабыра рхада иҭагылазаашьа иҵоуроу адинамика амоуп", - ҳәа азгәаҭоуп адырраҭараҿы.
Уаанӡа Александр Анқәаб игәабзиара аҭагылазаашьа ҭышәынтәалоуп, ихдырра цқьоуп, ахәышәтәыҩцәа рперсонали иареи аинырра рымоуп, аиӷьхара инубаалоит ҳәа азгәарҭон аҳақьымцәа. Аԥыза-министр иахәҭоу ахәышәтәра ирҭоит.
Аԥсны аԥыза-министр Александр Анқәаб акоронавирус ицәа ишалаз аарԥшын ԥхынҷкәын 30 рзы, ажьырныҳәа 5 рзы иара Гәдоуҭатәи ахәышәтәырҭа дҭашәеит. Хымш рышьҭахь иӡбан иара ихәышәтәра Москва иациҵарц азы.
Иара убас шәаԥхьар ҟалоит:
-
Аԥсны аԥыза-министр Александр Анқәаб ИВЛ ахь диаргеит
