Аԥсны акоронавирус ҿыц издырбалаз 11-ҩык ыҟоуп, аӡәы иԥсҭазаара далҵит

© AFP 2022 / MOHD RASFANМедицинский персонал в защитных костюмах готовит наборы для тестирования на полигоне для тестирования на коронавирус Covid-19 в Шах-Аламе, на окраине Куала-Лумпура
Медицинский персонал в защитных костюмах готовит наборы для тестирования на полигоне для тестирования на коронавирус Covid-19 в Шах-Аламе, на окраине Куала-Лумпура - Sputnik Аҧсны, 1920, 26.02.2021
Анапаҵаҩра
Yandex newsTelegram
Иҳаҩсыз уахыки-ҽнаки рыла COVID-19 рылоу ирыламу аилкааразы 161-ы атестқәа рзыҟаҵан, урҭ рахьтә 11-ҩык акоронавирус рцәа ишалаз аадырԥшит.

АҞӘА, жәабран 26 – Sputnik. Гәдоуҭатәи ахәышәтәырҭаҿы иԥсҭазаара далҵит 1958 шықәса рзы ииз апациент, ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Апациент иизықәыргылаз адиагноз хада акоронавирустә инфекциа ҿыц ауп. Ахаҵа иԥсҭазаара далҵит жәабран 25 рзы.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 44-ҩык, урҭ рахьтә 37-ҩык акоронавирус адиагноз рзышьақәыргылоуп, рҭагылазаашьа бааԥсуп 15-ҩык, ибжьаратәуп - 16-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 10-ҩык апациентцәа, Очамчыра ирхәышәтәуеит фҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 14-ҩык, Аҟәатәи амобилтә госпиталь аҟны ишьҭоуп акоронавирус зыдбалоу жәҩык апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12788-ҩык ыҟоуп, ргәы бзиахеит 12169-ҩык, рыԥсҭазаара иалҵит 198-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

Ажәабжьқәа зегьы
0