Аԥсни Урыстәылеи ршәахтәеизгаратә усбарҭақәа русеицура азҵаарақәа ирылацәажәеит

© Foto / Министерство по налогам и сборам РА Онлайн-конференция между руководством Федеральной налоговой службы России и Министерством по налогам и сборам Республики Абхазия
Онлайн-конференция между руководством Федеральной налоговой службы России и Министерством по налогам и сборам Республики Абхазия - Sputnik Аҧсны, 1920, 12.03.2021
Анапаҵаҩра
Yandex newsTelegram
Урыстәыла Афедералтә шәахтә маҵзура ахаҭарнак аонлаин-конференциа арежим ала аԥснытәи иколлегацәа ирыдигалеит аусбарҭа апрограмматә аалыҵқәа.

АҞӘА, хәажәкыра 12 - Sputnik. Урыстәыла Афедералтә шәахтә маҵзуреи Аԥсны ашәахтәқәеи аизгақәеи рзы аминистрреи аонлаин-конференциа мҩаԥыргеит, ирылацәажәеит аҳәынҭқаррақәа рзакәанԥҵарақәа реишьаршәаларазы атәылақәа рыбжьара азеиԥш асоциал-економикатә ҵакыра аԥҵаразы Апрограмма анагӡара азҵаарақәа. Абри атәы аанацҳауеит Аԥсны Ашәахтәқәеи аизгақәеи рзы аминистрра асаит.

Урыстәыла Афедералтә шәахтә маҵзура ахантәаҩы ихаҭыԥуаҩ Дмитри Вольвач аԥснытәи иколлегацәа ирыдигалеит аусбарҭа апрограмматә аалыҵқәа жәпакы.

Бланк налоговой декларации - Sputnik Аҧсны, 1920, 30.12.2020
Аԥсны Апарламент ахәцҵазы ашәахтә алхра ҳәаақәызҵо азакәан ариашарақәа аларгалеит

Аусбарҭақәа рхаҭарнакцәа алацәажәеит онлаин хылаԥшра-кассатә техниказы урыстәылатәи аԥышәа ахархәареи аларҵәареи азы. Вольвач иара убасгьы аԥснытәи иколлегацәа идирбеит ахәԥсацҵаз ашәахтә ахылаԥшраз автоматикатә система (АСК НДС) аус шауа. Акомплекс иалнаршоит ашәахтәцҵа аганахьала имҩаԥгоу аоперациақәа зегьы хылаԥшра рыҭара. Асистема иалшоит "ашәарҭаратә зона" ахылаԥшра аоперативтә зхьаԥшра аҟаҵаразы ахәаахәҭра-нхамҩатә операциақәа рымҩаԥгараан, ашәахтәцҵа аусхк аҟны аԥаршеи еилаӡарақәа рышьклаԥшра алнаршоит.

Аиԥылара аҳәаақәа ирҭагӡаны иара убасгьы иӡырган АҬАР асистема, Урыстәыла аҵакыраҿы атәылауаҩратә ҭаҩра актқәа рҭаҩра адыррақәа рхылаԥшразы.

Вольвач дшазыхиоу иҳәеит Урыстәыла Афедералтә шәахтә маҵзуреи Аԥсны ашәахтәқәеи аизгақәеи рзы аминистрреи реинырра ацхыраара, асеиԥш иҟоу апрограммақәа раларҵәаразы, иара убасгьы ареспубликаҿы иҟоу ашәахтәшәаратә напхгараҭара асистема аиӷьтәра.

Аслан Бжьаниеи Владимир Путини реиқәшәара ашьҭахь 2020 шықәса абҵарамзазы ишьақәырӷәӷәан Аԥсны Аҳәынҭқарреи Урыстәылатәи Афедерациеи рыбжьара азеиԥш социалтәии аекономикатәии программа.

Иара убас шәаԥхьар ҟалоит:

Ажәабжьқәа зегьы
0