Ашьапылампыл азы Аԥсны еизгоу аҿар ркоманда адунеи ачемпионцәа ирыцыхәмаруеит

CC0 / / Футбол
Футбол  - Sputnik Аҧсны, 1920, 17.03.2021
Анапаҵаҩра
Амилаҭтә студенттә шьапылампылтә лига еиҿкаан 2011 шықәсазы. Аԥснытәи акоманда раԥхьаӡа акәны Урыстәыла еизгоу астудентцәа ркомандақәа рыбжьара аицлабра иалахәуп.

АҞӘА, хәажәкыра 17 – Sputnik, Асмаҭ Ҵәыџьԥҳа. Ашьапылампыл азы Аԥсны еизгоу аҿар ркоманда "Амилаҭтә студенттә шьапылампылтә лига – 2011" аҳәаақәа ирҭагӡаны адунеи ачемпионцәа ирыцыхәмаруеит ҳәа арадио Sputnik иазеиҭеиҳәеит аҿари аспорти рзы Аҳәынҭеилакы ахантәаҩы Џьамал Гәбаз.

Таращ Хагба  - Sputnik Аҧсны, 1920, 05.03.2021
Ҭарашь Ҳагба Аԥсны ашьапылампыл азы: аҿиарамҩа ианылароуп

Иара иажәақәа рыла Аԥснытәи акоманда астудентцәа рыбжьара урыстәылазегьтәи аицлабрақәа ирылахәхарц инарыԥхьаз раԥхьатәи командоуп. Аиҿкааҩцәа ирыгәҭакуп ԥхьаҟазы ДЖәР, ЛЖәР, Приднестровье ркомандақәагьы аладырхәырц..

Актәи ахәмарраан ҩынтә адунеии Европеи ирчемпионхахьо Краснодартәи еизгоу акоманда иацыхәмаруеит. Ахәмарра ашьҭахь ишьақәыргылахоит Аԥсны иарбан лигоу иахьықәгыло.

Гәбаз иажәақәа рыла алахәылацәа рықәра 21 шықәса еиҳамзароуп.

"Ахәмаррақәа рҿы иҟалоит иреиӷьу азыҟаҵаҩцәа, аӡбаҩцәа, агентцәа. Иреиӷьу ашьапылампыласыҩцәа Урыстәылатәи акомандақәа рахь иргар ҟалоит. Ирацәаҩуп Урыстәыла аҵара зҵо ҳҿар. Урҭгьы алахәхарц аиҿцәажәарақәа мҩаԥаагоит. Астуденттә лигаҿ ҳзаиааир тәылак аҳасабала Европеи адунеии рчемпионатқәа ҳрылахәхар ҟалоит", - иҳәеит иара.

"Амилаҭтә студенттә шьапылампылтә лига" ашықәс зегьы имҩаԥысуеит. Ахәмаррақәа Ҟрым имҩаԥыргоит.

Ажәабжьқәа зегьы
0