Амра ссируп аҭашәамҭаз,
Абла ахьышәахәа ҭыԥхоит.
Аҭашәамҭаз, аҭашәамҭаз
Амра акалашәа игәыкхоит.
Имариоума зегьы рзыҳәа
Иахьа хәлаанӡа абылра?
Имариоума нас ашьшьыҳәа,
Зегьы ааныжьны ацара?
Аха гәыҩбарак анымкәа,
Игәыбзыӷуп ахаҿы,
Игәазырҳагазҭгьы уажәынӡа –
Игәыҿкаагаӡоуп уажәы...
Таиф Аџьба иажәеинраала "Амра ссируп аҭашәамҭаз" ацыԥҵәаха
1/11
© Sputnik / Томас Тхайцук
Жәытәнатә аахыс ауаа зашьапкуаз, зегь зымчу ҳәа ирԥхьаӡоз цәырҵран амра.
2/11
© Sputnik / Томас Тхайцук
Амра адунеи аԥсы ахазҵо, аԥсҭазаара иахыҵхырҭоу амчқәа рыгәҭа игылоуп.
3/11
© Sputnik / Томас Тхайцук
Мҩашьарада иуҳәар ауеит, дарбанзаалак ауаҩы игәы шарԥхо, игәалаҟазаара шышьҭнахуа амра аҭашәамҭа.
4/11
© Sputnik / Акоп Кущян
Амш наскьаго, амра аҭашәамҭа агәыӷра унаҭоит иахьа узхьымӡаз уахьызгӡаша даҽа мшык, даҽа шьаҿак уаҵәы ишузыԥшу.
5/11
© Sputnik / Томас Тхайцук
Амра аҭашәамҭа - зыгәқәа еидҳәалоу, зынасыԥ ак акәу ауаа еиӷьаршьо аамҭоуп.
6/11
© Sputnik / Томас Тхайцук
Уи иаҵоу анашана бзиа еибабо даҽакала ирбоит, амра аҭашәамҭа урҭ ргәаҵа иҭоу ацәаныррақәа еиҳагьы аԥхарра рыҵанаҵоит.
7/11
© Sputnik / Томас Тхайцук
Амра аӡы инӡаалеит ҳәа аԥсуаа иззырҳәогьы абри ауп!
8/11
© Sputnik / Томас Тхайцук
Амра аҭашәарахьы ахы анархо уи абла иҭыԥхо ахьышәахәа зегьы ахьыԥшшәы аҟәыннаҵоит.
9/11
© Sputnik / Томас Тхайцук
Амш агәрымра агәы иҭазаргьы, жәҩантә ашәахәақәа аашьҭуа, амра ҳгәы арӷәӷәоит.
10/11
© Sputnik / Томас Тхайцук
Ари аԥсабаратә цәырҵра ашәа азызҳәахьоу апоетцәа маҷҩым, асахьа ҭызххьоу аҟазацәагьы рацәаҩуп, афото ҭызхуагьы ҵҩа рымам.
11/11
© Sputnik / Томас Тхайцук
Иреиӷьу аланарԥшыра ахьыҟоу ҳара ҳҿоуп - амра аҭашәамҭа, амшын ҟәанда, аԥсабара беиа.
