АҞӘА, хәажәкыра 25 - Sputnik. Аҟәа ақалақь ахәҭак аҟны аӡыржәтә анеира аанкылахоит хәажәкыра 26 асааҭ 00:00 - 18:00 рзы ҳәа аанацҳауеит АУН "Аӡыканал".
Аӡыржәтә ҟалом Турбазеи Кьылашәыри араионқәа рҿы аколлектор аремонт инадҳәаланы.
АУН "Аӡыканал" аҭамзаара шьҭанаҵоит ауадаҩрақәа рзы.
Уаанӡа АУН "Аӡыканал" аҟны Sputnik ишазеиҭарҳәахьаз ала, аӡы лассы-лассы аанкылара азҵаара аӡбаразы комплексла аӡымҩангагақәа ԥсахтәуп. Арахь иаҵанакуеит аӡыҭгагақәа, аӡеизакырҭақәа, аӡеихшарҭақәа. Аремонтҟаҵараан атрубақәа барц азы 12-13 сааҭ аҭахуп. Аремонт ашьҭахьгьы асистема ӡыла иҭәырц азы аамҭа аҭаххоит. Аремонт ахаҭа ҩба-хԥа сааҭ акәзар иахьадхало, аӡы аҟамзаара 15-20 сааҭ еиҵахом.
