АҞӘА, мшаԥы 19 - Sputnik. Аҩ-тәылак руистициатә усбарҭақәа ирыгәҭакуп есышықәса аусеицуреи ауснагӡатәқәеи рыплан аус адулареи анапаҵаҩреи. Абри атәы Аԥсны аиустициа аминистр Анри Барцыц аиҳабыра рхада Александр Анқәаб изеиҭеиҳәеит ҳәа аанацҳауеит Аминистрцәа реилазаара асаит.
Аԥсны аиустициа аминистр Анри Барцыц еиҭеиҳәеит Урыстәыла аиустициа аминистр Константин Чуиченкои иареи реиԥылара шымҩаԥысыз.
Аусбарҭа ахада иара убасгьы далацәажәеит, аелектронтә технологиақәа Аԥсны аӡбранагӡаҩцәа русурахь алагалара атәы ишазааҭгылаз. Хаҭала – Урыстәыла иҟоу анагӡаратә електронтә база аналог ала Аԥсынгьы аиҿкаара.
Аминистр ишиҳәо ала, аиԥылараҿ иара убасгьы оперативла аусдҵақәа рынагӡаразы аусутә гәыԥ аԥҵазарц рыӡбеит.
Аминистр Александр Анқәаб изеиҭеиҳәеит ииасыз ашықәс азы ахаланаплакыҩцәа рыршаҳаҭгақәа 23980, аиурист хаҿқәа рыршаҳаҭгақәа 7000 ишреиҳау.
Анқәаб аминистр инапы ианиҵеит 2021 шықәсазы атәылауаа адокументқәа аус рыдулара рзымариахарц азы анорматив-зинтә база азырхиазарц.
