Ҳаџьымԥҳа абызшәа азакәан азы: иагу - анагӡароуп
"Иахьа ҳхаҿра аазырԥшуа ҳетнокультура ҳәа ҳазлацәажәо ауп. Ҳара милаҭк аҳасабала ҳшьақәзыргыло ҳхаҿроуп, абызшәа аныҟамла, уи ашәарҭара ианҭагыла, амилаҭгьы ашәарҭара иҭагылоит. Милаҭк ала ахеиқәырхара азҵаараҿы абызшәа хадароуп. Адунеи аҿы еицырдыруаз Ашьҳангери Бжьаниа имаҭа Аԥсны дахагылоуп, ус ианыҟала, иахьа ҳбызшәа амч ду амазароуп, ҳбызшәа адгылара ду амазароуп. Хаала ианамуа аус ауроуп азакәан, аԥсшәа иаиуроуп азинтә мчы. Аԥсшәа ззымдыруа ауаҩы ҳлахьынҵа зыӡбо ақьаад инапы аҵаиҩыртә еиԥш азин имамзароуп. Абызшәа азакәан иагу акоуп - анагӡароуп", - азгәалҭеит Ҳаџьымԥҳа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Иара убас шәаԥхьар ҟалоит:
