АҞӘА, лаҵара 13- Sputnik. Аԥсны ахада Аслан Бжьаниа Аԥсны аԥсылманцәа Ураза-Баирам рыдиныҳәалеит ҳәа аанацҳауеит ахада исаит.
"Аԥсны инхо аԥсылманцәа, аԥсылман тәылақәа рҿы инхо ҳџьынџьуаа ишәыдысныҳәалоит Ураза баирам", - аҳәоит адныҳәалараҿы.
Атәыла ахада иазгәеиҭеит Аԥсны ажәлар ахаангьы адинеибачҳара рылан, еиуеиԥшым адин хазҵо ауаа ҭынчрыла реицынхара аҭыԥ аман ҳәа.
"Агәра ганы сыҟоуп Ураза-баирам аныҳәамш азы ареспубликаҿ инхо аԥсылманцәа, аҳәаанырцә инхо ҳашьцәа рыԥсадгьыл Аԥсны аизҳазыӷьаразы аллаҳ ишимҵаныҳәо", - иҳәеит ахада.
Ид аль-Фитр - Ураза-баирам аԥсылманцәа ирныҳәоуп, ачгара хнаркәшоит.
Аныҳәа шьаҭаиркит Муҳаммед 624 шықәсазы.
Аԥсылманра аканонқәа инарықәыршәаны Рамадан амза алагоит рамадан мза 30 ауха, аԥсылмантә мзар ала иааиуа амза шавваль 1 аԥыларала.
2021 шықәсазы ачгара аҵыҵра аныҳәа Ид аль-Фитр - Ураза-баирам лаҵара 13 иақәшәеит.
