"Ақыҭамҩаҟны аҭыжаарақәа рырҽеиразы араион ахада абылтәы наишьҭын 10-15 машьына ахаҳә ҭарԥсеит. Убасгьы араион ахадареи "Амшынеиқәафымцамч" Тҟәарчалтәи аҟәша аиҳабы Вахтанг Харчлааи ацхыраара ҟарцеит афымцамч азҵаараҟны. Атрансформаторқәа ҩба аарышьҭын, акы ықәҳаргылеит, егьи азы адаҷ иазыԥшуп иаҿаркырц азы. Амҩа иҭаԥсоу абӷанҷ азхом, араион ахада Исидор Дочиа ажәа ҳаиҭеит иаарласны амҩатә ҭыжаарақәа рзы ҩ-машьынак акаҭран шаарышьҭуа. Амшқәа анбзиахо иазыԥшызар акәхап, ҳаргьы ҳаԥшуп. Анхацәа ианрыласҳәа еигәырӷьеит, аҭыжаарақәа рҟны акаҭран напыла иҟаҳҵоит, убасгьы уи зыриашо амашьына Актәи Гали ҳареи ак ҳамоуп, ҳаицхырааны иҟаҳҵоит. Афымцалашара аҭагылазаашьа аӡын даара иуадаҩын, 13 ҭӡы ауанҭагьы рзаҿакуамызт", - азгәеиҭеит Берзениа.
Шәазыӡырҩы аудио.
