Аԥсны Ахашәалақәа ашәҟәы рҭагаларазы азакәан амчра аиуит

© Sputnik / Томас ТхайцукЗаседание
Заседание  - Sputnik Аҧсны, 1920, 01.07.2021
Анапаҵаҩра
Аԥсны аҳәынҭқарра ахада Аслан Бжьаниа инапы аҵеиҩит "Амаҵурауааи адепутатцәеи рхашәалақәеи, рныхрақәеи, рмазареи, амазаратә ҟазшьа змоу рхыдҵақәеи ашәҟәы рҭагаларазы" азакәан, рашәара 14 азы.

АҞӘА, ԥхынгәы 1 - Sputnik. "Амаҵурауааи адепутатцәеи рхашәалақәеи, рныхрақәеи, рмазареи, амазаратә ҟазшьа змоу рхыдҵақәеи ашәҟәы рҭагаларазы" аҵыхәтәантәи ариашарақәа злагалоу азакәан амчра аиуоит 2021 шықәса ԥхынгәы 1 инаркны.

Аԥсны ашәахтәқәеи аизгақәеи рзы аминистрра ахашәалақәа автоматизациала ашәҟәы иҭанагалоит иҳәеит, рашәара 24 рзы аминистр Џьансыхә Нанба акоррупциа аҿагыларатә закәан аус адулараз аԥшьгаратә гәыԥ ахаҭарнакцәеи иареи реиԥылараан.

Человек с ручкой - Sputnik Аҧсны, 1920, 15.06.2021
Бжьаниа инапы аҵеиҩит ачынуааи адепутатцәеи рхашәалақәа ашәҟәы рҭагаларазы азакәан

Азакәан ахь ариашарақәа рыдыркылеит Жәлар Реизара адепутатцәа реилатәараҿы рашәара 9 рзы.

Хәажәкыра анҵәамҭазы актәи аԥхьарала адепутатцәа азакәан ахь арҽеирақәа рыдыркылеит.

Ариашара хадақәа ирыҵаркуеит "адекларант иҭаацәа " акатегориахь иаҵанакуа ахаҿқәа: ачынуаа рхаҭақәа рыдагьы урҭ рыҳәса, рхацәа, зықәра намӡац, зықәра наӡахьоу рыхшара, рашьцәа,раҳәшьцәа. Анаҩс ари асиа аҟынтә иқәган "зықәра наӡоу адекларантцәа рыхшара". Ари иақәшаҳаҭымхеит аԥшьгаратә гәыԥ ахаҭарнакцәа.

Мшаԥымза анҵәамҭазы  еилкаахеит, ахада Иусбарҭа азакәан апроект ишаднагалаз ариашара ҿыцқәа.

Азакәан инақәыршәаны ахадарахьы акандидатцәеи адепутатцәеи рдекларациақәа нарышьҭлароуп алхратә комиссиахь еиԥш ашәахтәқәеи аизгақәеи рминистррахьгьы, аусбарҭа асаит аҿы иӡыргазарц. Убри аан ачынуаҩ имаҵзура данахагыла ашьҭахь, 30 мшы рыҩнуҵҟа адекларациа хаирҭәаароуп. Уи адагьы, аԥсахрақәа мҩаԥгоуп ахәҭаҷ 6 актәи ахәҭаҿы. Уи инақәыршәаны ахадарахьы акандидатцәеи адепутатцәеи рдекларациақәа нарышьҭлароуп алхратә комиссиахь еиԥш, ашәахтәқәеи аизгақәеи рминистррахьгьы. Ариашарақәа инарықәыршәаны адекларациақәа рдыррақәа аофициалтә саитқәа рҟны икьыԥхьхоит, АИХқәа ирзынарышьҭуеит.

Ажәабжьқәа зегьы
0