Бжьаниа амчыбжь нҵәаанӡа амшын аҟәараҿы ашәарҭадара азҵаара рыӡбарц адҵа ҟаиҵеит

© Sputnik / Томас ТхайцукКурортный сезон. Отдыхающие на пляжах Абхазии.
Курортный сезон. Отдыхающие на пляжах Абхазии.  - Sputnik Аҧсны, 1920, 13.07.2021
Анапаҵаҩра
Аҭагылазаашьа ҷыдақәа рзы аминистр Лев Кәыҵниа иажәақәа рыла, ԥхынгәы 4 - 9 рзы Аԥсны иӡааҟәрылеит фҩык ауаа.

АҞӘА, ԥхынгәы 13 - Sputnik. Аԥсны ахада Аслан Бжьаниа изықәнагоу аструктурақәа адҵа рнапы ианиҵеит амчыбжь нҵәаанӡа аҭыԥқәа рҟны инеины игәарҭарц ауаа амшын иахьҭало аҟәарақәа аиқәырхаратә маҭәахәқәа рыла иахьынӡеиқәыршәоу, абри атәы аанацҳауеит аинформмаҵзура Аԥсныпресс.

"Ақалақьқәеи араионқәеи, АҶА, атуризм азы аминистрра рхадацәеи, иара убас аҭакзыԥхықәу ахаҿқәеи еицны аҟәарақәа рҿы шәнеины, иҟоу аҭагылазаашьа гәарҭарц шәабжьызгоит", - иҳәеит ахада.

Курортный сезон. Отдыхающие на пляжах Абхазии.  - Sputnik Аҧсны, 1920, 13.07.2021
Хышба: Аԥсны атурсезон аҵыхәтәантәи 30 шықәса рзтәи арбагақәа иреиҳахеит

Аԥсны АҶА аиҳабы Лев Кәыҵниа ахада иеиҳәеит Аԥсны амшынҭалара ахьалшо аҟәарақәа 17 шыҟоу, урҭ рахьтә хәба рҿоуп иахәҭоу ашәарҭадара ахьеиҿкаау, уа аиқәырхаҩцәа ҷаԥшьоит, анаԥшырҭақәа шьақәыргылоуп, аӡсаратә хархәагақәа рымоуп, даҽа быжь-ҟәарак ахәҭакахьала еиқәшәоуп.

Кәыҵниа иажәақәа рыла, Аҟәа амшын аҿы аӡҳәаарбагақәа (урысшә. - "буйки") хырҵоит.

Атуризм азы аминистр Ҭеимураз Хышба излеиҳәаз ала, аԥсшьаҩцәа ахьрыдыркыло аобиект дуқәа зегьы рҿы аҩнуҵҟатәи ахьчаратә маҵзура аус ауеит, ахәылԥаз аҩнуҵҟатәи аусқәа рминистрра аусзуҩцәа агәаҭарақәа мҩаԥыргоит.

Аслан Бжьаниа АШәМ ахантәаҩы Роберт Киут адҵа ииҭеит аԥсшьаҩцәа ршәарҭадара ахьынӡеиҿкаау гәарҭарц азы.

Ажәабжьқәа зегьы
0