АҞӘА, ԥхынгәы 27 - Sputnik. Ашәахьа ауыха биткоин ахәԥса 40 000 доллар иахысит, ԥхынгәы 16 аахыс раԥхьаӡа акәны. Абри атәы аанацҳауеит РИА Новости.
"Акриптовалиутақәа рыла иахьыхәаахәҭуа абиржа Binance аҿы биткоин асааҭ 22.10 азы ахә 17,2% иазҳаны ишьақәнаргылеит - 40,2 000 доллар", - аҳәоит адырраҭараҿы.
Ашәахьа ауыха биткоин ахәԥса 40 000 доллар иахысит, ԥхынгәы 16 аахыс раԥхьаӡа акәны. Ииасыз амчыбжь азы 30 000 доллар илаҟәны иҟан. 2021 шықәса хәажәкырамзазы биткоин арекордтә хәыԥса шьақәнаргылеит 60 000 доллар ҳәа.
Аекспертцәа ишырҳәо ала ари мзыз иамоу биткоин Amazon аҿы хәшәагак аҳасаб ала ахархәара аҭахоит ҳәа иҟаҵоу аҳәамҭеи китаитәи анапхгара биткоин амазаара азин ахьыҟарымҵои ауп.
Иара убасгьы амиллиардер Илон Маск напхгара зиҭо аилахәыра Tesla аҟны азин ҟаиҵеит абиткоинқәа хәшәагак аиԥш ирыдыркылаларц, амала акриптовалиута еиҳа аекологиатә ҟазшьа анаиулак.
