Иԥсҭазаара далҵит Аԥсны Жәлар рпоет Платон Бебиа

Платон Бебиа - Sputnik Аҧсны, 1920, 26.09.2021
СССР-и, Аԥсни Урыстәылеи рышәҟәыҩҩцәа рхеилак алахәыла, Аԥсны акультура зҽаԥсазтәыз аусзуҩ, Дырмит Гәлиа ихьӡ зху Аҳәынҭқарратә премиа алауреат, "Ахьӡ-Аԥша" аорден III аҩаӡара занашьоу Платон Бебиа иԥсҭазаара далҵит цәыббра 26 рзы.
АҞӘА, цәыббра 26 - Sputnik. Еицырдыруа аԥсуа шәҟәыҩҩы, апоет, аиҭагаҩ, апублицист, апародист Платон Бебиа иԥсҭазаара далҵит 86 шықәса дшырҭагылаз. Абри атәы ааицҳауеит Аԥсны ашәҟәыҩҩцәа реидгыла ахантәаҩы Вахтанг Абҳазоу.
Платон Бебиа - Sputnik Аҧсны, 1920, 05.10.2020
Ашьхацамҩа икыду апоет: Платон Бебиа 85 шықәса ихыҵит
Платон Бебиа диит октиабр 5, 1935 шықәсазы Очамчыра араион Кәтол ақыҭан. Раҧхьа аҵара иҵон Џьгьардатәи аа-шықәсатәи ашкол аҟны, ашьҭахь диасуеит Кәтолтәи аа-шықәсатәи ашкол ахь. Уи даналга, абжьаратә ҵара хиркәшеит Тамшьтәи ашкол аҟны. 1959 шықәсазы далгеит А.М. Горки ихьӡ зхыз Аҟәатәи аҳәынҭқарратә арҵаҩратә институт. Анаҩс иҵара иациҵон Москватәи Алитературатә институт аҟны, қәҿиаралагьы далгоит 1968 шықәсазы.
Платон Бебиа аус иуан агазеҭ "Аҧсны ҟаҧшь", ажурнал "Амцабз" аредакциақәа рҟны. Акыр шықәса ашәҟәҭыжьырҭа "Алашара" аҟны редакторс дыҟан, анаҩс - аиҳабы ихаҭыҧуаҩс, редактор хадас, ашәҟәҭыжьырҭа аиҳабыс.
Акьыҧхь ахь дцәырҵит 1952 шықәса инаркны. Иҩымҭақәа рнылон еиуеиҧшым аколлективтә еизгақәа, ажурналқәа "Алашара", "Амцабз", "Звезда", "Наш современник", "Молодая гвардия"; агазеҭқәа "Аԥсны ҟаԥшь", "Аԥсны", "Бзыԥ", "Еҵәаџьаа", "Советская Абхазия", "Литературная газета", "Литературная Абхазия", алитературатә еизга "Ерцахә" уҳәа егьырҭгьы.
Авторс дрымоуп хыҧхьаӡара рацәала ажәеинраалақәа, абалладақәа, апоемақәа, ажәабжьқәа, иара убас ароманқәа "Ашьацҳәа", "Ақьачақьцәа". Апоет иажәеинраалақәа жәпакы агәылоуп "Аԥсуа поезиа антологиа. ХХ ашә." Ҩажәихәба инареиҳаны ажәеинраалақәа, абалладақәа, апоемақәа, ажәабжьқәа реизгақәеи ароманқәеи ҭижьхьеит. Иҩымҭақәа еиҭагоуп аурыс, аукраин, аерман уҳәа егьырҭ абызшәақәа рахь.
Платон Бебиа дырдыруеит еиҭагаҩык иаҳасабалагьы, аҧсшәахь еиҭеигеит А.С. Пушкин, Р. Биорнс, С.А. Есенин, Г. Лорка, Н. Ҳиқьмеҭ, Л. Украинка, С.В. Михалков, Е.А. Евтушенко, Б.М. Пачев, Б.Г. Кагермазов, Ҟ. Ш. Кулиев, Ш.С. Акобиа, Џь. Ҟ. Лаҩыцә ражәеинраалақәа, Ч.Т. Аитматов иажәабжьқәа "Аиқәшәара", "Аибашьҩы иҧа" уҳәа егьырҭгьы.
Платон Бебиа 35 шәҟәы дравторуп. 
Ажәабжьқәа зегьы
0
Раԥхьа аҿыцқәаРаԥхьа ажәытәқәа
loader
АЕФИР АҾЫ
Заголовок открываемого материала
Жәларбжьаратәи
InternationalEnglishАнглыз бызшәаMundoEspañolАиспан бызшәа
Европа
DeutschlandDeutschАнемец бызшәаFranceFrançaisАфранцыз бызшәаΕλλάδαΕλληνικάАбырзен бызшәаItaliaItalianoАиталиа бызшәаČeská republikaČeštinaАчех бызшәаPolskaPolskiАполиак бызшәаСрбиjаСрпскиАсерб бызшәаLatvijaLatviešuАлатыш бызшәаLietuvaLietuviųАлитва бызшәаMoldovaMoldoveneascăАмолдав бызшәаБеларусьБеларускiАбелорус бызшәа
Алада Кавказ
ԱրմենիաՀայերենАерман бызшәаАҧсныАҧсышәалаАԥсуа бызшәаХуссар ИрыстонИронауАуаԥс бызшәаAzərbaycanАzərbaycancaАзербаиџьан бызшәа
Ааигәа Мрагылара
Sputnik عربيArabicАраб бызшәаTürkiyeTürkçeАҭырқә бызшәаSputnik ایرانPersianФарсиSputnik افغانستانDariДари
Агәҭантәи Азиа
ҚазақстанҚазақ тіліАҟазах бызшәаКыргызстанКыргызчаАҟырӷыз бызшәаOʻzbekistonЎзбекчаАузбек бызшәаТоҷикистонТоҷикӣАҭаџьықь бызшәа
Мрагыларатәии Алада-Мрагыларатәи Азиа
Việt NamTiếng ViệtАвиетнам бызшәа日本日本語Аиапон бызшәа中国中文Акитаи бызшәа
Алада Америка
BrasilPortuguêsАпортугал бызшәа