https://sputnik-abkhazia.info/20211004/Natali-Smyra-adeputattsa-rylamkysra-rkhykhra-daagyloit-1033341273.html
Натали Смырԥҳа адепутатцәа рыламкьысра рхыхра даҿагылоит
Натали Смырԥҳа адепутатцәа рыламкьысра рхыхра даҿагылоит
Sputnik Аҧсны
Аԥсны ахада Аслан Бжьаниа аҩнуҵҟатәи аусқәа рминистр Дмитри Дбар ахҭыс аҭҵаара иахьынӡаҿу имаҵураҟынтә ихы дақәиҭитәит. Дбар агәыӷра ааирԥшит ахҭыс иалахәыз... 04.10.2021, Sputnik Аҧсны
2021-10-04T13:09+0300
2021-10-04T13:09+0300
2021-10-04T15:22+0300
цәыббра 30 ауха аҟәа иҟалаз ахысра
аԥсны
ажәабжьқәа
https://cdnn1.img.sputnik-abkhazia.info/img/07e5/0a/04/1033340785_0:0:2600:1472_1920x0_80_0_0_506c11891a3d88b6d3671d8bdb610e51.jpg
АҞӘА, жьҭаара 4 - Sputnik. Апарламент адепутат Натали Смырԥҳа адепутатцәа рыламкьысра рхыхра даҿагылоит. Абри атәы лҳәеит Апарламент аҿы имҩаԥысуа аусутә еилацәажәараҿы.Аԥсны ААР анапхгара рус рацәхьакраз ахада иӡбамҭа ииашоуп ҳәа азгәалҭеит Смырԥҳа.Аусутә еилацәажәара иалахәуп Апрокурор хада Адгәыр Агрба, ихаҭыԥуаҩ Руслан Ҭырқьба, Аԥсны АШәМ ахантәаҩы Роберт Киут.Апарламент адепутат Гарри Кокаиеи, Аӡҩыбжьа ақыҭантәи аибашьра аветеранцәеи, Аҩнуҵҟатәи аусқәа рминистр Дмитри Дбари инапаҵаҟа иҟаз ауааи рыбжьара аимак аҭыԥ аман цәыббра 30 ауха.Абри аганахь ала Апрокуратура хада аусҭҵаара иаҿуп.Цәыббра 30 ауха Апарламент адепутат Алмасхан Арӡынба Аԥсны ААР ахыбрахь днеины закәаншьаҭада имаз автомат "Калашников" ала ахысра далагеит, анаҩс аҭыԥ аҟынтәи дыбналеит.Аусҭҵаара мҩаԥысуанаҵы ахҭыс иалахәыз амилициа аусзуҩцәа аамҭала рмаҵурақәа рҟынтә рхы иақәиҭтәуп.Аԥсны ахада Аслан Бжьаниа Москва иусутә визит аанкыланы Аԥсныҟа дхынҳәит Аҟәа аԥшаҳәаҿы цәыббра 30 рзы иҟалаз аимак аҵыхәала. Иара иарку аилацәажәара мҩаԥигеит. Аԥсны аҩнуҵҟатәи аусқәа рминистр Дмитри Дбар атәыла ахада диҳәеит ахҭыс аҭҵаара иахьынӡаҿу имаҵураҟынтә ихы дақәиҭитәырц. Дбар агәыӷра ааирԥшит ахҭыс иалахәыз адепутатцәагьы убасҵәҟьа рхы мҩаԥыргап ҳәа.
https://sputnik-abkhazia.info/20211004/Karia-aveterantsa-zlakhyz-akhys-aganakh-ala-imagou-ausnagata-akhshara-rieit-1033340877.html
Sputnik Аҧсны
media@sputniknews.com
+74956456601
MIA „Rossiya Segodnya“
2021
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
цәыббра 30 ауха аҟәа иҟалаз ахысра, аԥсны, ажәабжьқәа
цәыббра 30 ауха аҟәа иҟалаз ахысра, аԥсны, ажәабжьқәа
Натали Смырԥҳа адепутатцәа рыламкьысра рхыхра даҿагылоит
13:09 04.10.2021 (ирҿыцуп: 15:22 04.10.2021) Аԥсны ахада Аслан Бжьаниа аҩнуҵҟатәи аусқәа рминистр Дмитри Дбар ахҭыс аҭҵаара иахьынӡаҿу имаҵураҟынтә ихы дақәиҭитәит. Дбар агәыӷра ааирԥшит ахҭыс иалахәыз адепутатцәагьы убасҵәҟьа рхы мҩаԥыргап ҳәа.
АҞӘА, жьҭаара 4 - Sputnik. Апарламент адепутат Натали Смырԥҳа адепутатцәа рыламкьысра рхыхра даҿагылоит. Абри атәы лҳәеит Апарламент аҿы имҩаԥысуа аусутә еилацәажәараҿы.
Лара илҳәеит лколлега Гарри Кокаиа ихымҩаԥгашьа дшадымгыло, аха "Аџьынџьтәылатә еибашьра аветеранцәа рыпҟара ҟалашьа змам усуп" лҳәеит лара.
Аԥсны ААР анапхгара рус рацәхьакраз ахада иӡбамҭа ииашоуп ҳәа азгәалҭеит Смырԥҳа.
Аусутә еилацәажәара иалахәуп Апрокурор хада Адгәыр Агрба, ихаҭыԥуаҩ Руслан Ҭырқьба, Аԥсны АШәМ ахантәаҩы Роберт Киут.
Апарламент адепутат Гарри Кокаиеи, Аӡҩыбжьа ақыҭантәи аибашьра аветеранцәеи, Аҩнуҵҟатәи аусқәа рминистр Дмитри Дбари инапаҵаҟа иҟаз ауааи рыбжьара аимак аҭыԥ аман цәыббра 30 ауха.
Абри аганахь ала Апрокуратура хада аусҭҵаара иаҿуп.
Цәыббра 30 ауха Апарламент адепутат Алмасхан Арӡынба Аԥсны ААР ахыбрахь днеины закәаншьаҭада имаз автомат "Калашников" ала ахысра далагеит, анаҩс аҭыԥ аҟынтәи дыбналеит.
Аусҭҵаара мҩаԥысуанаҵы ахҭыс иалахәыз амилициа аусзуҩцәа аамҭала рмаҵурақәа рҟынтә рхы иақәиҭтәуп.
Аԥсны ахада Аслан Бжьаниа Москва иусутә визит аанкыланы Аԥсныҟа дхынҳәит Аҟәа аԥшаҳәаҿы цәыббра 30 рзы иҟалаз аимак аҵыхәала. Иара иарку аилацәажәара мҩаԥигеит. Аԥсны аҩнуҵҟатәи аусқәа рминистр Дмитри Дбар атәыла ахада диҳәеит ахҭыс аҭҵаара иахьынӡаҿу имаҵураҟынтә ихы дақәиҭитәырц. Дбар агәыӷра ааирԥшит ахҭыс иалахәыз адепутатцәагьы убасҵәҟьа рхы мҩаԥыргап ҳәа.
