Микрофон  - Sputnik Аҧсны, 1920
Арадио

Гогьиа азакәанԥҵара аԥсахрақәа ралагаларазы: иааиуа алхрақәа ирыдҳәалаӡам

Гогьиа азакәанԥҵара аԥсахрақәа алагаларазы: иааиуа алхрақәа ирыдҳәалаӡам
Анапаҵаҩра
Аԥсны Алхратә комиссиа хада ахантәаҩы Ҭамаз Гогьиа арадио Sputnik аефир аҟны еиҭеиҳәеит алхратә закәанԥҵара аиҭакрақәа шаҭаху, ас еиԥш аԥшьгамҭа уи аԥхьа иҟарҵахьазма, аиҭакрақәа залыршамхац.
Алхрақәа рзы азакәан аиҭакрақәа ралагалара иалацәажәеит Алхратә комиссиа хада аилатәараҿы. Уаҟа излацәажәоз зҵааран алхратә система аԥсахрақәа алагаларазы азакәанԥҵаратә жәалагала аҟаҵара. Убри инамаданы акомиссиа алахәылацәа аус рыдырулоит хә-проектк, урҭ Аҳәынҭқарра ахада идыргалараны иҟоуп.
"Алхрақәа раан ауадаҩрақәа цәырҵуан. Ҳгәаанагарала, иҳамоу алхратә закәанқәа рҟны аԥсахрақәа ахьалагалатәу ыҟоуп. Урҭ убриаҟара ирацәоуп, зегьы акакала аҟаҵара акәымкәа, ҿыц иуԥсахыр еиӷьуп ҳәа ҳазхәыцит, ҳазнеит Алхратә комиссиа хада алахәылацәа зегьы. Аҳәынҭқарра ахада иусԥҟала ҳара азин ҳамоуп иара иахь апроектқәа рынашьҭра, ҳара ишаҳбо, ҳшазхәыцуа азакәанқәа ҿыц алагалақәа рҭахуп. Убри ҳазхәыцны аус адаҳулоит. Убри азы даҽакала аӡәгьы акы игәы иаанамгаароуп, иаарласны алхрақәа ҟалоит, убри ҳадҳамкылар ада ԥсыхәа ыҟам ҳәа. Ари аус даара аамҭа аҭахуп, ҳҭагылазаашьа убас иҟоуп азакәан акы аныҟауҵо, егьырҭ иацнеиуа зегьы аԥсахрақәа рҭаххаргьы, уахьгьы иалагалатәуп, нас аекспертцәа иахәаԥшны алкаа ҟарҵароуп, уи ашьҭахь ауп аҳәынҭқарра ахада иахь инаҳашьҭуа", - иҳәеит Гогьиа.
Иаҳа инарҭбааны аицәажәара аудиофаил аҟны.
Ажәабжьқәа зегьы
0