https://sputnik-abkhazia.info/20211021/urystyla-zhaara-30-inarkny-abara-7-ryna-ssharamshany-irylaoup-1035994568.html

Урыстәыла Жьҭаара 30 инаркны абҵара 7 рҟынӡа ԥсшьарамшқәаны ирылаҳәоуп

Урыстәыла Жьҭаара 30 инаркны абҵара 7 рҟынӡа ԥсшьарамшқәаны ирылаҳәоуп

Sputnik Аҧсны

Аҵыхәтәантәи амшқәа рзы Урыстәыла акоронавирус зхьызи, аҿкы иахҟьаны зыԥсҭазаара иалҵызи рхыԥхьаӡара акыр иҳаракхеит. 21.10.2021, Sputnik Аҧсны

2021-10-21T11:30+0300

2021-10-21T11:30+0300

2021-10-21T11:32+0300

ауаажәларра

ажәабжьқәа

https://cdnn1.img.sputnik-abkhazia.info/img/07e5/0a/14/1035994231_0:161:3067:1886_1920x0_80_0_0_730cbef76a36782c04c57a8b5bdb3094.jpg

АҞӘА, жьҭаара 21 – Sputnik. Урыстәыла ахада Владимир Путин аԥыза-министр ихаҭыԥуаҩ Татиана Голикова лажәалагала дадгылеит жьҭаара 30 инаркны абҵара 7 рҟынӡа апандемиа иахҟьаны иԥсшьарамшқәаны рылаҳәара. Абри атәы аанацҳауеит РИА Новости.Арҭ амшқәа рзы аулафахәы шыршәац иршәоит. Аҵыхәтәантәи амшқәа рзы Урыстәыла акоронавирус зыдбалоуи, аҿкы иахҟьаны зыԥсҭазаара иалҵызи рхыԥхьаӡара ҳаракхеит. Ииасыз уахыки-ҽнаки рыла рыԥсҭазаара иалҵит 1028-ҩык, ачымазара шьҭызкаауаз ирыцлеит 34 073-ҩык."Аепидемиа ацәқәырԥа ҿыц аиԥҟьара аҭахуп. Иҟоу аҭагылазаашьа инадҳәаланы ажәалагала адгылара асҭоит – жьҭаара 30 инаркны абҵара 7 рҟынӡа апандемиа иахҟьаны аԥсшьарамшқәа рылаҳәаразы, убри аан аулафахәы шыҟоу иааныжьны", - иҳәеит Путин аиҳабыреи иареи авидеоконференциала реилацәажәараан.Иара иҳәеит арегионқәа рҿы жьҭаара 23 инаркны ари аус аларгалар шауа акыр ихьанҭоу аепидемиологиатә ҭагылазаашьазы. Иаҭахханы иҟалар абҵара 7 ашьҭахьгьы аԥкра иацҵахар ҟалоит.Урыстәыла ахада аҭыԥантәи амчрақәа рахь ааԥхьара ҟаиҵеит алаҵаҟаҵара иацырҵаларц.

https://sputnik-abkhazia.info/20211018/urystyla-uakhyki-naki-anya-covid-19-zakhyz-rkhykhaara-uaana-aasa-eiakheit-1035955442.html

2021

Ажәабжьқәа

ab_AB

ауаажәларра, ажәабжьқәа