https://sputnik-abkhazia.info/20211027/agabziarakhchara-aministr-gagra-araion-amedusaraa-rgaara-maigeit-1036078126.html
Агәабзиарахьчара аминистр Гагра араион амедусҳәарҭақәа ргәаҭара мҩаԥигеит
Агәабзиарахьчара аминистр Гагра араион амедусҳәарҭақәа ргәаҭара мҩаԥигеит
Sputnik Аҧсны
Едуард Быҭәба Гагратәи араионтә хәшәтәырҭа, Пицундатәи ахәышәтәырҭа, Гагратәи амедколлеџь, Гагратәи ПЦР-лабораториа дырҭааны игәеиҭеит. 27.10.2021, Sputnik Аҧсны
2021-10-27T11:34+0300
2021-10-27T11:34+0300
2021-10-28T00:48+0300
аԥсны
ажәабжьқәа
аԥсны
https://cdnn1.img.sputnik-abkhazia.info/img/07e5/08/0c/1033022129_0:160:3073:1888_1920x0_80_0_0_74c472058d83f03ada07977161cce37a.jpg
АҞӘА, жьҭаара 27 - Sputnik. Агәабзиарахьчара аминистр Едуард Быҭәба Гагра араион амедусҳәарҭақәа ргәаҭара мҩаԥигеит. Абри атәы аанацҳауеит Аԥсныпресс.Гагратәи араионтә хәшәтәырҭа аҳақьым хадас дшьақәырӷәӷәоуп Индира Арсалиаԥҳа.Аминистр иԥылараан Арсалиаԥҳа иазгәалҭеит амедусҳәарҭа ауадаҩрақәа реиҳарак араион ахадара ишаӡбо."Ахәшәтәырҭа аиҿкаара азҵаарақәа, автопарк ахарҭәаара уҳәа рыҟны ацхыраара ҳанаҭуеит араион. Аминистрра аганахь ала ацхыраара ҳәа иаҳҭаху аҟазауаа: ареаниматологцәа, ахирургцәа, акушерцәа, атерапевтцәа, апедиатрцәа рыла ҳаиқәыршәароуп", - лҳәеит Арсалиаԥҳа.Быҭәба иҳәеит аҟазауаа разыҟаҵара аганахь ала аусурақәа шымҩаԥысуа.Гагратәи ахәышәтәырҭаҿы аковид аҟәшазы аус ауеит аҵәыҵәритә станциа, 24 - ҩык ачымазцәа ирызхаша, иқәгылоуп афымцамч агенератор.Быҭәба ПЦР-лабораториа аҭагылазаашьагь гәеиҭеит. Ара есыҽны 100 ҭҵаарак мҩаԥыргоит, аха иаҭахханы иҟалар – 200 рҟынӡагь рымҩаԥгара алшоит.Аминистр Гагратәи амедицинатә ҵараиурҭа астудентцәа дрыҿцәажәеит. Ара уажәы аҵара рҵоит 104-ҩык."Шәара уаҵәтәи амш азы ҳзықәгәыӷуа шәоуп. Аҵара даара ҭакԥхықәрала шәазнеилароуп. Иуадаҩу азанааҭ алышәхит. Даара иахьа Аԥсны шәаҭахуп. Урыстәылатәи аҵараиурҭақәа рҭалара шәхықәкызар, ацхыраара шәаҳҭоит. Шәаныхынҳәлак шәыԥсадгьыл амаҵ азыжәулап", - иҳәеит Быҭәба.Едуард Быҭәба Пицундатәи ахәшәтәырҭагьы аусушьа гәеиҭеит. Иуадаҩра хаданы ара иҟоу ҳаамҭазтәи ацхыраара ласы амашьынеи арентген-аппарати рыҟамзаароуп. Аминистр иақәиргәыӷит аԥара шыԥшаахо арентген-аппарат аахәаразы.
https://sputnik-abkhazia.info/20210924/Gagrati-araiont-khshtyra-ashaak-eiashayrgylakhoit-1033271236.html
https://sputnik-abkhazia.info/20211023/asny-agabziarakhchara-aministrra-akoronavirus-akhshtrazy-akaana-aiakraa-alanagaleit-1036036048.html
Sputnik Аҧсны
media@sputniknews.com
+74956456601
MIA „Rossiya Segodnya“
2021
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, ажәабжьқәа
Агәабзиарахьчара аминистр Гагра араион амедусҳәарҭақәа ргәаҭара мҩаԥигеит
11:34 27.10.2021 (ирҿыцуп: 00:48 28.10.2021) Едуард Быҭәба Гагратәи араионтә хәшәтәырҭа, Пицундатәи ахәышәтәырҭа, Гагратәи амедколлеџь, Гагратәи ПЦР-лабораториа дырҭааны игәеиҭеит.
АҞӘА, жьҭаара 27 - Sputnik. Агәабзиарахьчара аминистр Едуард Быҭәба Гагра араион амедусҳәарҭақәа ргәаҭара мҩаԥигеит. Абри атәы
аанацҳауеит Аԥсныпресс.
Гагратәи араионтә хәшәтәырҭа аҳақьым хадас дшьақәырӷәӷәоуп Индира Арсалиаԥҳа.
Аминистр иԥылараан Арсалиаԥҳа иазгәалҭеит амедусҳәарҭа ауадаҩрақәа реиҳарак араион ахадара ишаӡбо.
"Ахәшәтәырҭа аиҿкаара азҵаарақәа, автопарк ахарҭәаара уҳәа рыҟны ацхыраара ҳанаҭуеит араион. Аминистрра аганахь ала ацхыраара ҳәа иаҳҭаху аҟазауаа: ареаниматологцәа, ахирургцәа, акушерцәа, атерапевтцәа, апедиатрцәа рыла ҳаиқәыршәароуп", - лҳәеит Арсалиаԥҳа.
Быҭәба иҳәеит аҟазауаа разыҟаҵара аганахь ала аусурақәа шымҩаԥысуа.
"Ари хымԥадатәиуп ҳтәылауаа рыԥсадгьыл аҿы рҽырхәшәтәларц азы", - ҳәа иҳәеит аминистр.
Гагратәи ахәышәтәырҭаҿы аковид аҟәшазы аус ауеит аҵәыҵәритә станциа, 24 - ҩык ачымазцәа ирызхаша, иқәгылоуп афымцамч агенератор.
Быҭәба ПЦР-лабораториа аҭагылазаашьагь гәеиҭеит. Ара есыҽны 100 ҭҵаарак мҩаԥыргоит, аха иаҭахханы иҟалар – 200 рҟынӡагь рымҩаԥгара алшоит.
Аминистр Гагратәи амедицинатә ҵараиурҭа астудентцәа дрыҿцәажәеит. Ара уажәы аҵара рҵоит 104-ҩык.
"Шәара уаҵәтәи амш азы ҳзықәгәыӷуа шәоуп. Аҵара даара ҭакԥхықәрала шәазнеилароуп. Иуадаҩу азанааҭ алышәхит. Даара иахьа Аԥсны шәаҭахуп. Урыстәылатәи аҵараиурҭақәа рҭалара шәхықәкызар, ацхыраара шәаҳҭоит. Шәаныхынҳәлак шәыԥсадгьыл амаҵ азыжәулап", - иҳәеит Быҭәба.
Едуард Быҭәба Пицундатәи ахәшәтәырҭагьы аусушьа гәеиҭеит. Иуадаҩра хаданы ара иҟоу ҳаамҭазтәи ацхыраара ласы амашьынеи арентген-аппарати рыҟамзаароуп. Аминистр иақәиргәыӷит аԥара шыԥшаахо арентген-аппарат аахәаразы.
