https://sputnik-abkhazia.info/20211029/aslan-bzhaniei-urystyla-asport-aministr-oleg-matitsyni-eiyleit-1036123666.html

Аслан Бжьаниеи Урыстәыла аспорт аминистр Олег Матицыни еиԥылеит

Аслан Бжьаниеи Урыстәыла аспорт аминистр Олег Матицыни еиԥылеит

Sputnik Аҧсны

Аԥсны ахада Москваҟа амҩа дықәлеит жьҭаара 25 рзы. Иара атәыла ахадас дыҟоуижьҭеи Москваҟа аусутә зҵаарақәа рыӡбаразы зынӡа жәантә дцахьеит. 29.10.2021, Sputnik Аҧсны

2021-10-29T19:38+0300

2021-10-29T19:38+0300

2021-10-29T19:38+0300

аԥсны

аспорт

ажәабжьқәа

https://cdnn1.img.sputnik-abkhazia.info/img/07e5/0a/1d/1036118488_0:0:2600:1463_1920x0_80_0_0_0b11b2a0950ab38277de78b13999ed7d.jpg

АҞӘА, жьҭаара 29 - Sputnik. Аԥсны ахада Аслан Бжьаниеи Урыстәыла аспорт аминистр Олег Матицыни Москва еиԥылеит. Абри атәы аанацҳауеит ахада ипресс-маҵзура.Аганқәа рылацәажәеит Урыстәыла аспорт аминистрреи Аԥснытәи аусбарҭеи аспорттә усхк арҿиареи аусеицуреи рызҵаарақәа, иара убас ирзааҭгылеит ашколхәыҷқәеи астудентцәеи рыбжьара аспорт аҩаӡара ашьҭыхреи аизҳарақәа раиуреи рыпроблемақәа.Иара убасгьы иазааҭгылан аганқәа рыбжьара атранспорт аусхк аҟны ԥхьаҟатәи аусурақәа.Аиԥылара ашьҭахь Аслан Бжьаниа Аспорт иазкы аҳәынҭқарратә музеи аҿы изеиҿкаан аекскурсиа.Уаанӡа Аԥсны ахада Аслан Бжьаниеи Урыстәыла ахада Иусбарҭа анапхгаҩы ихаҭыԥуаҩ Дмитри Козаки, Урыстәыла Ашәарҭадаратә хеилак амаӡаныҟәгаҩ ихаҭыԥуаҩ Рашид Нургалиеви, Урыстәыла аиҳабыра рхада ихаҭыԥуаҩ Александр Новаки, Урыстәыла атранспорт аминистр Витали Савельеви реиԥылара мҩаԥысхьеит.Аԥсны ахада Москваҟа амҩа дықәлеит жьҭаара 25 рзы. Жьҭаарамза иалагӡаны Аслан Бжьаниа ҩынтәны усутә ныҟәарыла Москваҟа дцеит. Атәыла ахадас дыҟоуижьҭеи Москваҟа аусутә зҵаарақәа рыӡбаразы зынӡа жәантә дцахьеит.

https://sputnik-abkhazia.info/20211029/bzhaniei-savelevi-atransportt-infrastrukturei-aairt-eimadarei-ryzaaraa-irykhtsazheit-1036119077.html

2021

Ажәабжьқәа

ab_AB

аспорт, ажәабжьқәа