https://sputnik-abkhazia.info/20211104/asny-akhada-aslan-bzhania-iusbara-akha-eizaz-auaasyra-rakh-dneit-1036202362.html
Аԥсны Ахада Аслан Бжьаниа Иусбарҭа аԥхьа еизаз ауааԥсыра рахь днеит
Аԥсны Ахада Аслан Бжьаниа Иусбарҭа аԥхьа еизаз ауааԥсыра рахь днеит
Sputnik Аҧсны
АҞӘА, абҵара 4 - Sputnik, Асмаҭ Ҵәыџьԥҳа. Аԥсны Ахада Аслан Бжьаниа Иусбарҭа аԥхьа еизаз ауааԥсыра рахь днеит, аҳәара ҟаиҵеит доусы рыҩныҟақәа ицарц. 04.11.2021, Sputnik Аҧсны
2021-11-04T19:42+0300
2021-11-04T19:42+0300
2021-11-04T20:15+0300
аԥсны
ажәабжьқәа
аԥсны ахадас иалху аслан бжьаниа иҭоубашьҭаҵара
цәыббра 30 ауха аҟәа иҟалаз ахысра
дмитри дбар
https://cdnn1.img.sputnik-abkhazia.info/img/07e5/0b/04/1036201811_0:0:1620:912_1920x0_80_0_0_0d04513d37dd608573954156abcec4d2.jpg
АҞӘА, абҵара 4 - Sputnik, Асмаҭ Ҵәыџьԥҳа. Аԥсны Ахада Аслан Бжьаниа Иусбарҭа аԥхьа еизаз ауааԥсыра рахь днеит, аҳәара ҟаиҵеит доусы рыҩныҟақәа ицарц.Бжьаниа еизаз зегьы иҭабуп ҳәа реиҳәеит, сусура зегьы ажәлар реидкылара иазырхазаауеит иҳәеит иара."Ҳаҭыр зқәу сыуаажәлар, ара еизази адраматә театр аҿаԥхьа еизази, еилых ҟамҵакәа зегь шәахь схы нарханы исҳәоит. Изныкамкәа исҳәахьеит иҟалаз ахҭыс аӡәгьы дазырызӡам, зегьы ргәы иалсит, аха иҳарҽеирц, мҩак иқәаҳҵарц ҳаҿуп. Ҳшьаҿақәа зегьы ҳажәлар реидкылара иазырхазаауеит, уи азы аусура сазыхиоуп, исылшогьы акы иагсыжьом", - иҳәеит Атәыла ахада.Аԥшьаша, абҵарамза 4 рзы Аԥсны жәлар Рџьынџьтәылатә еибашьра аветеранцәа рхеилак алахәылацәеи, рыдгылаҩцәеи аҿагыларатә акциа мҩаԥыргеит, аиҿкааҩцәа дҵаны иқәдыргылоит Аԥсны АА рминистр Дмитри Дбар инапынҵақәа аанижьырц, мзызс иамоуп цәыббра 30 ауха Жәлар реизара адепутат Гарри Кокаиеи, Аӡҩыбжьа ақыҭантәи аибашьра аветеранцәеи, Аҩнуҵҟатәи аусқәа рминистр Дмитри Дбари инапаҵаҟа иҟаз ауааи рыбжьара аимак.Амитинг алахәылацәа ақәҵара рыдыркылеит, уаҟа иазгәаҭоуп цәыббра 30 ауха аибашьра аветеранцәа рыпҟара иалахәыз Дмитри Дбар иганахьала ишахәҭаз аусҭҵаара мҩаԥгамызт ҳәа.Аслан Бжьаниа аветеранцәа идыикылеит, иҳәеит апрокуратура хада аусҭҵаара ишаҿу, азакәаншьаҭа змоу аӡбра ауп ирыдыркыло ҳәа. Дбар имаҵурахьы дахьиргьежьыз азы иӡбамҭа шыимԥсахо иҳәеит. Аиқәшәара ашьҭахь аҿагыларатә акциа аиҿкааҩцәа ақәҵара ҿыц рыдыркылеит, уаҟа иарбоуп ҿыц амитинг шеиҿыркаауа, усҟан Атәыла ахада Аслан Бжьаниа имаҵура аанижьырц аҳәамҭа шыҟарҵо, уи ашьҭахь амитинг хдыркәшеит.Аҟәа аԥшаҳәаҿы иҟалаз ахҭыс азы аусҭҵаарақәа мҩаԥысуанаҵы Дмитри Дбар хатәгәаԥхарала ииҩыз арзаҳал инақәыршәаны имаҵураҟынтә аамҭала ихы дақәиҭтәын. Абҵара 2 рзы, апрокурор хада Адгур Агрба Дбар иганахь ала ацәгьоура ыҟамызт ҳәа иҳәамҭа ашьҭахь, Атәыла ахада Аслан Бжьаниа уи имаҵзура дазирхынҳәит.Ашьаус хацыркуп Аԥсны аҩнуҵҟатәи аусқәа рминистр ихаҭыԥуаа Рашь Ҵәыџьба, Дадын Чачхалиа рганахь ала. Аҩыџьагьы рнапынҵақәа ирхыҳәҳәеит, амч рхы иадырхәеит ҳәа хараны ирыдырҵоит.
https://sputnik-abkhazia.info/20211104/aagylarat-aktsia-amagatsa-idany-idyrgyloit-aa-rministr-inapynaa-aanizhyrts-1036199317.html
https://sputnik-abkhazia.info/20211104/asny-anuati-ausa-rministr-dmitri-dbar-akhada-iusbarakh-dneit-1036199893.html
https://sputnik-abkhazia.info/20211102/asny-anuati-ausa-rministr-imaurakhy-dyrkhynup-1036172463.html
Sputnik Аҧсны
media@sputniknews.com
+74956456601
MIA „Rossiya Segodnya“
2021
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, аԥсны ахадас иалху аслан бжьаниа иҭоубашьҭаҵара, цәыббра 30 ауха аҟәа иҟалаз ахысра, дмитри дбар
ажәабжьқәа, аԥсны ахадас иалху аслан бжьаниа иҭоубашьҭаҵара, цәыббра 30 ауха аҟәа иҟалаз ахысра, дмитри дбар
АҞӘА, абҵара 4 - Sputnik, Асмаҭ Ҵәыџьԥҳа. Аԥсны Ахада Аслан Бжьаниа Иусбарҭа аԥхьа еизаз ауааԥсыра рахь днеит, аҳәара ҟаиҵеит доусы рыҩныҟақәа ицарц.
Бжьаниа еизаз зегьы иҭабуп ҳәа реиҳәеит, сусура зегьы ажәлар реидкылара иазырхазаауеит иҳәеит иара.
"Ҳаҭыр зқәу сыуаажәлар, ара еизази адраматә театр аҿаԥхьа еизази, еилых ҟамҵакәа зегь шәахь схы нарханы исҳәоит. Изныкамкәа исҳәахьеит иҟалаз ахҭыс аӡәгьы дазырызӡам, зегьы ргәы иалсит, аха иҳарҽеирц, мҩак иқәаҳҵарц ҳаҿуп. Ҳшьаҿақәа зегьы ҳажәлар реидкылара иазырхазаауеит, уи азы аусура сазыхиоуп, исылшогьы акы иагсыжьом", - иҳәеит Атәыла ахада.
Аԥшьаша, абҵарамза 4 рзы Аԥсны жәлар Рџьынџьтәылатә еибашьра аветеранцәа рхеилак алахәылацәеи, рыдгылаҩцәеи аҿагыларатә акциа мҩаԥыргеит, аиҿкааҩцәа дҵаны иқәдыргылоит Аԥсны АА рминистр Дмитри Дбар инапынҵақәа аанижьырц, мзызс иамоуп цәыббра 30 ауха Жәлар реизара адепутат Гарри Кокаиеи, Аӡҩыбжьа ақыҭантәи аибашьра аветеранцәеи, Аҩнуҵҟатәи аусқәа рминистр Дмитри Дбари инапаҵаҟа иҟаз ауааи рыбжьара аимак.
Амитинг алахәылацәа ақәҵара рыдыркылеит, уаҟа иазгәаҭоуп цәыббра 30 ауха аибашьра аветеранцәа рыпҟара иалахәыз Дмитри Дбар иганахьала ишахәҭаз аусҭҵаара мҩаԥгамызт ҳәа.
Аслан Бжьаниа аветеранцәа идыикылеит, иҳәеит апрокуратура хада аусҭҵаара ишаҿу, азакәаншьаҭа змоу аӡбра ауп ирыдыркыло ҳәа. Дбар имаҵурахьы дахьиргьежьыз азы иӡбамҭа шыимԥсахо иҳәеит. Аиқәшәара ашьҭахь аҿагыларатә акциа аиҿкааҩцәа ақәҵара ҿыц рыдыркылеит, уаҟа иарбоуп ҿыц амитинг шеиҿыркаауа, усҟан Атәыла ахада Аслан Бжьаниа имаҵура аанижьырц аҳәамҭа шыҟарҵо, уи ашьҭахь амитинг хдыркәшеит.
Аҟәа аԥшаҳәаҿы иҟалаз ахҭыс азы аусҭҵаарақәа мҩаԥысуанаҵы Дмитри Дбар хатәгәаԥхарала ииҩыз арзаҳал инақәыршәаны имаҵураҟынтә аамҭала ихы дақәиҭтәын. Абҵара 2 рзы, апрокурор хада Адгур Агрба Дбар иганахь ала ацәгьоура ыҟамызт ҳәа иҳәамҭа ашьҭахь, Атәыла ахада Аслан Бжьаниа уи имаҵзура дазирхынҳәит.
Ашьаус хацыркуп Аԥсны аҩнуҵҟатәи аусқәа рминистр ихаҭыԥуаа Рашь Ҵәыџьба, Дадын Чачхалиа рганахь ала. Аҩыџьагьы рнапынҵақәа ирхыҳәҳәеит, амч рхы иадырхәеит ҳәа хараны ирыдырҵоит.
