Микрофон  - Sputnik Аҧсны, 1920
Арадио

Қаџьаиа: КВН ада сыԥсҭазаара шыҟалоз ҳәа сазхәыцыргьы сҭахым

Қаџьаиа: КВН ада сыԥсҭазаара шыҟалоз ҳәа сазхәыцыргьы сҭахым
Анапаҵаҩра
Алахҿыхцәеи аиҿамсқәеи рклуб аԥсуа команда "Нарты из Абхазии" алахәыла Алхас Қаџьаиа арадио Sputnik аефир аҟны еиҭеиҳәеит иахьазы инапы злаку, ахәмарра иԥсҭазаараҟны ҭыԥс иааннакылаз атәы.
2001 шықәса аахыс абҵара 8 рзы иазгәарҭоит КВН Жәларбжьаратәи амш. Ари ахәмарра еиднакылоит миллионҩыла аҿар. Акомандақәа зегьы зызгәышьуа КВН Иреиҳаӡоу Алигаҿы ахәмарра, уаҟа аиааира агара. Аԥснытәи акоманда "Нарты из Абхазии" КВН Иреиҳаӡоу алига иачемпионхеит 2005 шықәсазы.
"Иахьазы КВН знапы алаку ҳәа аӡәгьы дыҟам ҳгәыԥ аҟынтәи аҷкәынцәа. Иара ахәмарра аамҭак амоуп, ҳанҿаз ҳахәмаруан, уажәшьҭа ҳақәра ахьынӡааихьоу, иҳамаздоз ыҟазар акәын, аха убас аамҭа ҟалеит, ҳашьҭахь аӡәгьы даҳзаанмыжьит. Иахьа ҳа ҳҟны КВН ихәмаруа ыҟоуп ҳәа сыздыруам, џьара школқәак рҟны имхәмаруазар. Сара асасааирҭаҟны аус зуеит, ахәыҷқәа сааӡоит, аԥсуаа зегьы шынхо сынхоит. Зынӡа аҟазара ҳацәхьаҵит ҳазҳәом, акино анҭырхуа ҳхы алаҳархәлоит, проектқәак анеиҿыркаауа аҷкәынцәа уа ҳаизалоит, аха егьыс уск-уск ҳнапы алакуп", - иҳәеит Қаџьаиа.
Иаҳа инеиҵыхны аицәажәара шәаҳар шәылшоит аудиофаил аҟны.
Ажәабжьқәа зегьы
0