https://sputnik-abkhazia.info/20211123/urystylati-asapiortsa-aati-aairbaaza-akhybraynt-iaankhan-iou-aminaa-yyrgoit-1036449824.html
Урыстәылатәи асапиорцәа Аҟәатәи аҳаирбаӷәаза аҵакыра гәарҭоит
Урыстәылатәи асапиорцәа Аҟәатәи аҳаирбаӷәаза аҵакыра гәарҭоит
Sputnik Аҧсны
Анџьныр-сапиортә ҟәша аррамаҵзурауаа арратә техникала Ханкалантәи Гәдоуҭаҟа иааит. 23.11.2021, Sputnik Аҧсны
2021-11-23T12:00+0300
2021-11-23T12:00+0300
2021-11-25T13:16+0300
аԥсны
ажәабжьқәа
аҟәатәи аҳаирбаӷәаза
https://cdnn1.img.sputnik-abkhazia.info/img/101349/88/1013498871_0:200:1921:1280_1920x0_80_0_0_92fce795a46198d4eddf18d19bcc4840.jpg
АҞӘА, абҵара 23 - Sputnik. Аладатәи арратә округ анџьныр-сапиортә ҟәша аррамаҵзурауаа Аԥсныҟа иааит Аҟәатәи аҳаирбаӷәаза аҵакырантәи иԥшаахарц зылшо иԥымжәац аминақәа рықәгаразы. Абри атәы аанацҳауеит аокруг апресс-маҵзура.Иԥымжәац артҟәацгақәа рыԥшаареи рыҵхреи еиҿкаауп аԥыза-министр Александр Анқәаб Урыстәыла атәылахьчара аминистр актәи ихаҭыԥуаҩ, Аштаб хада аиҳабы Валери Герасимов иахь иҟаиҵаз аҳәарала.Аҟазауаа Аладатәи арратә округ Аԥсны иҟоу абазаҿы игылоуп. Дара аҳаирбаӷәаза аҵакыра арыцқьара иалагоит аҽазыҟаҵаратә уснагӡатәқәа рышьҭахь.Аԥсны раԥхьатәи ахада Владислав Арӡынба ихьӡ зху Аҟәатәи аҳаирбаӷәаза ргылан 1960-тәи ашықәсқәа рзы. Иара 18 километра Аҟәа инацәхыкны иҟоуп, Бабышьра аҳаблаҿы. 1990-тәи ашықәсқәа рҟынӡа арантәи аҳаирпланқәа ԥыруан СССР ақалақьқәа жәпакы рахь. Аԥхынразы уахыки-ҽнаки рыла имҩаныргон хә-нызқьҩык рҟынӡа апассаџьырцәа.Аҳаирбаӷәаза аиҭашьақәыргыларазы апроект ахарџьнҵа азырхиахоит ҭагалан азы ҳәа иҳәахьан атәыла ахада Аслан Бжьаниа. Иара иҳәеит аинвестор дшыҟоу, аиҭашьақәыргыларатә усуразы 120 миллион мааҭ шазоуижьуа. Бжьаниа иажәақәа рыла, актәи ареисқәа азыԥхьагәаҭоуп 2024 шықәса алагамҭазы.
https://sputnik-abkhazia.info/20211013/bzhania-moskva-aauat-eimadara-azaara-dalatsazheit-1035836706.html
https://sputnik-abkhazia.info/20210128/Bzhania-Aati-aairt-baaza-ausura-alagara-aaraa-drylatsazheit-1031720860.html
Sputnik Аҧсны
media@sputniknews.com
+74956456601
MIA „Rossiya Segodnya“
2021
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, аҟәатәи аҳаирбаӷәаза
ажәабжьқәа, аҟәатәи аҳаирбаӷәаза
Урыстәылатәи асапиорцәа Аҟәатәи аҳаирбаӷәаза аҵакыра гәарҭоит
12:00 23.11.2021 (ирҿыцуп: 13:16 25.11.2021) Анџьныр-сапиортә ҟәша аррамаҵзурауаа арратә техникала Ханкалантәи Гәдоуҭаҟа иааит.
АҞӘА, абҵара 23 - Sputnik. Аладатәи арратә округ анџьныр-сапиортә ҟәша аррамаҵзурауаа Аԥсныҟа иааит Аҟәатәи аҳаирбаӷәаза аҵакырантәи иԥшаахарц зылшо иԥымжәац аминақәа рықәгаразы. Абри атәы аанацҳауеит аокруг апресс-маҵзура.
Иԥымжәац артҟәацгақәа рыԥшаареи рыҵхреи еиҿкаауп аԥыза-министр Александр Анқәаб Урыстәыла атәылахьчара аминистр актәи ихаҭыԥуаҩ, Аштаб хада аиҳабы Валери Герасимов иахь иҟаиҵаз аҳәарала.
Аҟазауаа Аладатәи арратә округ Аԥсны иҟоу абазаҿы игылоуп. Дара аҳаирбаӷәаза аҵакыра арыцқьара иалагоит аҽазыҟаҵаратә уснагӡатәқәа рышьҭахь.
Аԥсны раԥхьатәи ахада Владислав Арӡынба ихьӡ зху Аҟәатәи аҳаирбаӷәаза ргылан 1960-тәи ашықәсқәа рзы. Иара 18 километра Аҟәа инацәхыкны иҟоуп, Бабышьра аҳаблаҿы. 1990-тәи ашықәсқәа рҟынӡа арантәи аҳаирпланқәа ԥыруан СССР ақалақьқәа жәпакы рахь. Аԥхынразы уахыки-ҽнаки рыла имҩаныргон хә-нызқьҩык рҟынӡа апассаџьырцәа.
Аԥсны аџьынџьтәылатә еибашьра ашықәсқәа рзы аҳаирбаӷәазеи асасааирҭеи аԥхасҭа ду роуит, аҵакыраҿы аминақәа ыҵарҵеит. Аҳаирбаӷәаза 1993 шықәса рзы иадыркит.
Аҳаирбаӷәаза аиҭашьақәыргыларазы апроект ахарџьнҵа азырхиахоит ҭагалан азы ҳәа иҳәахьан атәыла ахада Аслан Бжьаниа. Иара иҳәеит аинвестор дшыҟоу, аиҭашьақәыргыларатә усуразы 120 миллион мааҭ шазоуижьуа. Бжьаниа иажәақәа рыла, актәи ареисқәа азыԥхьагәаҭоуп 2024 шықәса алагамҭазы.
28 Ажьырныҳәа 2021, 16:30
