Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аусумҭа ҿыцқәа: Аҟәа иаатуеит асахьаҭыхыҩцәа ԥшьҩык рцәыргақәҵа

© Sputnik / Томас ТхайцукВыставка в ЦВЗ Дианы Хинтба, Апщи Хагба, Батала Джапуа, Саида Возба
Выставка в ЦВЗ Дианы Хинтба, Апщи Хагба, Батала Джапуа, Саида Возба - Sputnik Аҧсны, 1920, 26.11.2021
Анапаҵаҩра
Онлаин-галереиа AUADA еиҿнакаауа ацәыргақәҵахь инагахоит уаанӡа иӡыргамыз аусумҭақәа.
АҞӘА, абҵара 26 – Sputnik, Бадраҟ Аҩӡба. Аҟәа аформат Open Studio ала абҵара 26-28 рзы иаатуеит асахьаҭыхыҩцәа ԥшьҩык: Баҭал Џьапуа, Аԥшьа Ҳагԥҳа, Саид Возба, Диана Хынҭәԥҳа рцәыргақәҵа.
"Ацәыргақәҵа иааинырсланы еиҿкаауп. Уажәы ҳкультуратә усҳәарҭақәа зегьы аркуп, убри азы асахьаҭыхыҩцәа азхәыцуеит русура аанымгыларц азы еиуеиԥшым алшарақәа рыԥшаашьа. Асахьаҭыхыҩ аамҭа-аамҭала иусумҭақәа цәыригозароуп", - ҳәа лҳәеит ацәыргақәҵа алахәыла Аԥшьа Ҳагԥҳа.
Ацәыргақәҵахь инагахоит уаанӡа иқәыргыламыз арҿиамҭақәа.
"Арҭ експеременталтә усумҭақәоуп. Аӡәгьы имбацызт. Дара ашықәс аҩнуҵҟа аус зыдулоу иреиуоуп. Иҿыцқәоуп", - ҳәа лҳәеит асахьаҭыхыҩ.
Ацәыргақәҵаҿы ауаа рацәа реизара алымшарц азы аиҿкааҩцәа ирыӡбеит иара аҭаара зҭаху азыҳәа асоциалтә ҳа Instagram https://www.instagram.com/auada_gallery/ ахь инарышьҭларц, аамҭак иақәмыршәакәа инарыԥхьаларц. Уи адагьы аҭааҩцәа асабрадақәа рҿазароуп.
Национальная картинная галерея Республики Абхазия  - Sputnik Аҧсны, 1920, 15.10.2021
Аԥсны Амилаҭтә сахьаҭыхратә галереиаҿы раԥхьатәи ацәыргақәҵа мҩаԥысит
Ажәабжьқәа зегьы
0