Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

"Асаашьа", "ахҟа", "алкьра": аԥсыуа ажәақәак рыхҳәаа

CC0 / / Перьевая ручка
Перьевая ручка - Sputnik Аҧсны, 1920, 04.12.2021
Аԥсыуа жәақәак рыхҳәаа ҳадылгалоит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа
Ажәа азҟаза ду Алықьса Ноча-иԥа Гогәуа ихатәы бызшәа иазикуеит абри аҩыза ацәаҳәа ссирқәа: "Ашьха аӡыхьеиԥш икеикеиуа, аамҭа ацаҟьа шәыгәрақәеи абахә еимаҳақәеи кылжәан, ириааины иахьанӡа зышьҭра цқьаӡа иаазгаз ҳбызшәа. Акаԥкаԥқәа рыбжьы зхоу, акаҵәара хаҩаӡарақәа рыбжьаныҩра зныҩроу, амшын ашыкьыбжь злаӡҩо ҳабз ашәа хаа. Ахәырбӷьыц аҵеиԥш иԥшқоу, абзиабареи агәыбылреи ражәақәа рыла ирхаау…"
Пугало  - Sputnik Аҧсны, 1920, 27.06.2021
"Лоунытә", "ааӡаб", "апыла", "ацәаҳа": аԥсыуа ажәақәак рҵакқәа ирызкны
Абызшәа-ауаа рхы-рыԥсы иасаркьоуп, ахшыҩзцарақәа ирышәҵатәуп.
Аԥсшәа беиоуп, иагьуникалтәуп, даҽа бызшәак иаҵахом, иаҳҭаху алаҳҳәартә аҭагылазаашьа ҳнаҭоит.
Маҷӡак иадамхаргьы аԥсуаа ражәаҳәаҟнытә иаагоу ажәақәак рыхҳәаа аҟаҵара сҽазысшәоит, урҭ харҭәаахоит аԥсуа литературахьтә иаагоу аҿырԥштәқәа рыла.
Асаашьа "Асаашьа уҭахызар", "Асаашьак ҳԥызбаауа" – уамак ҳадызбало, аиакәым ҳшақәшәо, рыцҳарак ушанио збо аӡәы ма акы иазынархо ажәоуп.
"Адәахьы асаашьак ҳԥызбаауаз аԥша ҵәыуон" (Мушьни Миқаиа).
Ахҟа - "Ахҟа рыбжьоуп" – аиӷара зыбжьоу реизыҟазаашьақәа зныԥшуа ажәоуп.
"Ахҟа рыбжьалаанӡа ишәырҽеиуазароуп акәымзар, знык ашәақь анҭҟьалак ишәҳәо акыр иаԥсоума?!" (Џьума Аҳәба).
Амоурахә "Умоурахә мыӡааит", "Змоурахә мыӡша" – уара бзиа збаша, уара бзиа иақәшәаша аанагоит.
"Сара сзыҳәан цас дыршама,
Змоурахә мыӡыз амзаҿа?
Илашьцама, аҩны лашама,
Иахьеихылго уи лшьаҿа?"
(Платон Бебиа иажәеинраала аҟнытә).
Алкьра зҩызцәа ирҟәыҭханы, дырҩызамкәа, дрыцәтәымны иҟоу изы ирҳәоит "дрылкьны дыҟоуп" ҳәа.
"Маиана раԥхьа даниба инаркны, зегьы дрылкьны дгылан" (Алықьса Гогәуа).
Солнечные лучи пробиваются сквозь тучи  - Sputnik Аҧсны, 1920, 18.04.2021
"Аихаткач", "ауарц", "абгаԥча": ҩышьала еиԥшу, аха ҵакыла еиқәымшәо ажәақәа
Амуча аашьаҩ, акрымуӡакәа акрызфо, амалакрыфа, амазеича (урысшәала иуҳәозар, "тунеядец") ԥсышәала абас иҟоу ауаҩы аашьа "амуча" ҳәа ишьҭоуп.
"Игәы бзиоуп, мычла дкәадам,
Иуҭар ифоит, амуча.
Абжьааԥны акгьы даԥсам, –
Ҳабла крыфа, ҳабла ча.
Ауаа аџьџьаҳәа акраныруа,
Иара ддәықәуп дгандалеиуа,
Амхы цәгьала илеиҵазгьы,
Аҳаскьын иагеит иқеиқеиуа"
(Жәлар рпоезиа аҟнытә)
Афраҭ аилҟьа, аҵар, аилҟьа-еилӷәыцә, зыбаҩ зцәыласу, еилыхха иҟоу ауаҩ-фраҭ ҳәа ишьҭоуп.
"Аусураҿы ирбахьаз Мысҭафа дабаҟаз, зеихаҟьашьа еихаҟьашьак иаламҩашьоз, зыласышьа ласышьак еиԥшымыз афраҭ иаҩызаз, деилфаҷаӡа зегьы зымпыҵаманшәалахоз, деилаԥаҭаны иааникылалак импыҵыҩрны икаҳауа иалагеит" (Шьалодиа Аџьынџьал).
Алушәак ахаан, аламала, баша иухамышҭуа хҭыск аазырԥшуа ажәоуп.
"Ажәлар рыԥсҭазаараҿ иҟоуп мышқәак, ирхашҭырц алшома урҭ алушәак" (Баграт Шьынқәба).
Аҟырлышра – иҟырлышуа, акы абазбари, акы абазгари, акы абеимысҵәари ҳәа иҟоу ауаҩы изынархо ажәоуп.
"Абри ахлымӡаахгьы акыр ҳзацырҟьозар ҳәа иҟырлышуа идәықәын" (Алықьса Гогәуа).
Амулеты, драгоценные камни и декоративные элементы из фаянса, бронзы, кости и янтаря найденные в результате раскопок в Помпеях - Sputnik Аҧсны, 1920, 13.09.2020
"Ауарцеи", "асақь", "аҟаса": аҵакырацәа зныԥшуа аԥсыуа ажәақәак
Адаракәац узхылҵыз, урҭ зхылҵыз, гәакьас, уас-ҭынхас иумоу азырбо ажәоуп, даҽакала иуҳәозар ажәлашьҭра, ахылҵшьҭра (урысшәала "родословная").
"Иҟам мчы еиқәаҵәак, ауаа дара иртәны ирыдыркылаз адоуҳатә мал адаракәац ыҟаӡамкәа дунеи аныхра зылшо" (Џьума Аҳәба).
Ашьалашәра "Дшьалашәны дынхеит", "Дшьалабаны дҟалеит" –ииҳәо-ииуа изымдыруа, иҟаиҵо дақәымшәо дҟалеит аанагоит.
"Ибла иабаз изхамҵо, дыҳәҳәар дзымҳәҳәо, дшьалашәны дынхеит" (Шьоҭа Ҷкадуа).
Аџьоуҳар – "Џьоуҳарла ихырҷоуп" – иаанагоит сахьа хкыла, сахьа рацәала еилоуп, иқәҵоуп.
"Ажәҩан ду мцаԥшьха, џьоуҳарла ихырҷоуп" (Гьаргь Гәлиа).
Фестиваль оркестра народных инструментов Апхиарца - Sputnik Аҧсны, 1920, 20.12.2020
Ажәақәа "Раида", "Рад", "Рашьа", "Рерашьа", "Рарира" рцәырҵразы гәаанагарақәак
Ажәабжьқәа зегьы
0
Раԥхьа аҿыцқәаРаԥхьа ажәытәқәа
loader
АЕФИР АҾЫ
Заголовок открываемого материала
Жәларбжьаратәи
InternationalEnglishАнглыз бызшәаMundoEspañolАиспан бызшәа
Европа
DeutschlandDeutschАнемец бызшәаFranceFrançaisАфранцыз бызшәаΕλλάδαΕλληνικάАбырзен бызшәаItaliaItalianoАиталиа бызшәаČeská republikaČeštinaАчех бызшәаPolskaPolskiАполиак бызшәаСрбиjаСрпскиАсерб бызшәаLatvijaLatviešuАлатыш бызшәаLietuvaLietuviųАлитва бызшәаMoldovaMoldoveneascăАмолдав бызшәаБеларусьБеларускiАбелорус бызшәа
Алада Кавказ
ԱրմենիաՀայերենАерман бызшәаАҧсныАҧсышәалаАԥсуа бызшәаХуссар ИрыстонИронауАуаԥс бызшәаAzərbaycanАzərbaycancaАзербаиџьан бызшәа
Ааигәа Мрагылара
Sputnik عربيArabicАраб бызшәаTürkiyeTürkçeАҭырқә бызшәаSputnik ایرانPersianФарсиSputnik افغانستانDariДари
Агәҭантәи Азиа
ҚазақстанҚазақ тіліАҟазах бызшәаКыргызстанКыргызчаАҟырӷыз бызшәаOʻzbekistonЎзбекчаАузбек бызшәаТоҷикистонТоҷикӣАҭаџьықь бызшәа
Мрагыларатәии Алада-Мрагыларатәи Азиа
Việt NamTiếng ViệtАвиетнам бызшәа日本日本語Аиапон бызшәа中国中文Акитаи бызшәа
Алада Америка
BrasilPortuguêsАпортугал бызшәа