https://sputnik-abkhazia.info/20211207/gdouati-akhshtyrakh-unazgo-ama-akaran-aara-ialageit-1036631638.html
Гәдоуҭатәи ахәшәтәырҭахь уназго амҩа акаҭран ақәҵара иалагеит
Гәдоуҭатәи ахәшәтәырҭахь уназго амҩа акаҭран ақәҵара иалагеит
Sputnik Аҧсны
Аинвестпрограмма аԥаразоужьра иабзоураны Гәдоуҭа, Гобечиа имҩа 1300 метра акаҭран ақәҵара иалагеит. 07.12.2021, Sputnik Аҧсны
2021-12-07T19:37+0300
2021-12-07T19:37+0300
2021-12-07T19:37+0300
аԥсны
ажәабжьқәа
ауаажәларра
гәдоуҭа араион
https://cdnn1.img.sputnik-abkhazia.info/img/07e5/0c/07/1036628723_0:120:1280:840_1920x0_80_0_0_b3c90674ee5d80202493d96ead7be26b.jpg
ГӘДОУҬА, ԥхынҷкәын 7 – Sputnik, Бадри Есиава. Гәдоуҭа, Гобечиа имҩа акаҭран ақәҵара иалагеит, абри атәы ааицҳауеит Sputnik акорреспондент.Гәдоуҭатәи амҩа-ргыларатә комбинат апрораб Баҭал Аргәын ишиҳәо ала, амҩа 1300 метра иҟоуп, ахәшәтәырҭаҟынтә Чачба имҩаҟынӡа инаӡоит."Амҩа акаҭран ақәҵара мҩаԥысуеит Аинвестпрограмма аԥаразоужьрала. Аҭбаара ф-метраки бжаки ыҟоуп, аҿыгҳара быжь-сантиметрак иҟоуп. Акаҭран ықәҵахоит ахәшәтәырҭа аҿаԥхьагьы", - иҳәеит иара.Аремонт ианалага ашьҭахь аҭыԥ ахь инеиит Ҟәланырхәа ақыҭа ауааԥсыра. Дара ирҳәеит амҩа акаҭран ҿыц анықәырҵалак ашьҭахь дара рқыҭахь уназго амҩа быжь-сантиметрак рыла аҿыгҳара шеиҵахо. "Ҳқыҭахь уназго амҩа ихадоу ҳәа ишьоуп. Зегьы уи амҩала иныҟәоит. Аха ара акаҭран ҿыц анышьҭарҵалак ашьҭахь аиԥшьырҭаҿы рҿыгҳарақәа еивыгахоит. Убри азы иаҳҭахуп ари азыԥхьагәаҭахарц. Ианеиҳаха уи жәа-метрак амҩахәҭоуп иаҵанакуа", - еиҭеиҳәеит Ҟәланырхәа ақыҭантәи Гәдоуҭатәи араионтә еизара адепутат Ҳаџьым Агрба.Ақыҭа ахаҭарнакцәеи араион ахада Баграт Боџьгәуеи ари апроблема иалацәажәеит. Боџьгәуа иҳәеит ахарџьнҵа шышьақәырӷәӷәо, уи ишзавымсуа, аха аҭыԥантәи абиуџьет ала ари апроблема рыӡбар шауа. Ақыҭауаа ари иақәшаҳаҭхеит.
гәдоуҭа араион
Sputnik Аҧсны
media@sputniknews.com
+74956456601
MIA „Rossiya Segodnya“
2021
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, ауаажәларра, гәдоуҭа араион
ажәабжьқәа, ауаажәларра, гәдоуҭа араион
Гәдоуҭатәи ахәшәтәырҭахь уназго амҩа акаҭран ақәҵара иалагеит
Аинвестпрограмма аԥаразоужьра иабзоураны Гәдоуҭа, Гобечиа имҩа 1300 метра акаҭран ақәҵара иалагеит.
ГӘДОУҬА, ԥхынҷкәын 7 – Sputnik, Бадри Есиава. Гәдоуҭа, Гобечиа имҩа акаҭран ақәҵара иалагеит, абри атәы ааицҳауеит Sputnik акорреспондент.
Гәдоуҭатәи амҩа-ргыларатә комбинат апрораб Баҭал Аргәын ишиҳәо ала, амҩа 1300 метра иҟоуп, ахәшәтәырҭаҟынтә Чачба имҩаҟынӡа инаӡоит.
"Амҩа акаҭран ақәҵара мҩаԥысуеит Аинвестпрограмма аԥаразоужьрала. Аҭбаара ф-метраки бжаки ыҟоуп, аҿыгҳара быжь-сантиметрак иҟоуп. Акаҭран ықәҵахоит ахәшәтәырҭа аҿаԥхьагьы", - иҳәеит иара.
Аремонт ианалага ашьҭахь аҭыԥ ахь инеиит Ҟәланырхәа ақыҭа ауааԥсыра. Дара ирҳәеит амҩа акаҭран ҿыц анықәырҵалак ашьҭахь дара рқыҭахь уназго амҩа быжь-сантиметрак рыла аҿыгҳара шеиҵахо.
"Ҳқыҭахь уназго амҩа ихадоу ҳәа ишьоуп. Зегьы уи амҩала иныҟәоит. Аха ара акаҭран ҿыц анышьҭарҵалак ашьҭахь аиԥшьырҭаҿы рҿыгҳарақәа еивыгахоит. Убри азы иаҳҭахуп ари азыԥхьагәаҭахарц. Ианеиҳаха уи жәа-метрак амҩахәҭоуп иаҵанакуа", - еиҭеиҳәеит Ҟәланырхәа ақыҭантәи Гәдоуҭатәи араионтә еизара адепутат Ҳаџьым Агрба.
Ақыҭа ахаҭарнакцәеи араион ахада Баграт Боџьгәуеи ари апроблема иалацәажәеит. Боџьгәуа иҳәеит ахарџьнҵа шышьақәырӷәӷәо, уи ишзавымсуа, аха аҭыԥантәи абиуџьет ала ари апроблема рыӡбар шауа. Ақыҭауаа ари иақәшаҳаҭхеит.
