Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Астудентцәа ргәеисырҭа: агазеҭ "Аԥсуа университет" 40 шықәса ахыҵит

© Foto / facebook/Аҵарадырра аҳәаақәаГазета "Агу"
Газета Агу - Sputnik Аҧсны, 1920, 25.12.2021
Анапаҵаҩра
Агазеҭ "Аԥсуа университет" раԥхьаӡатәи аномер ҭыҵит ԥхынҷкәын 25, 1981 шықәсазы.
Агазеҭ "Аԥсуа университет" аҿиара амҩа ианылеит 80-тәи ашықәсқәа рзыҳәаны. Астудентцәа раԥхьаӡатәи ԥышәаны ирзыҟалеит агазеҭ аҭыҵра, уаҟа ианыло иалагеит рыстатиа хәыҷқәа, ражәеинраалақәа, ражәабжьқәа, уҳәа.
"Агазеҭ аҭыҵра машәырны, ма иааинырсланы иҟалаз акакәӡам. Ари аус аҿы иабзоурахаз акыр ирацәоуп аԥсуа жәлар рмилаҭ-хақәиҭратә қәԥара, ҳажәлар рықәгыларақәа, иара убасгьы ҳуниверситет аҵарауаа рҽазышәарақәа", - ҳәа иҳәоит агазеҭ "Аԥсуа университет" иахьатәи аредактор хада Алхас Чхамалиа.
© Foto / предоставил Алхас Чхамалия Агазеҭ "Аԥсуа университет" аредактор хада Алхас Чхамалиа
Алхас Чхамалия .Главный редактор газеты Абхазский Университет - Sputnik Аҧсны, 1920, 24.12.2021
Агазеҭ "Аԥсуа университет" аредактор хада Алхас Чхамалиа
Агазеҭ аҭыҵра гәырӷьара духеит, гәыӷрахеит аԥсуа ҵарадырра аизырҳараҟны. Анырра бзиа аиуит ажәлар рыгәҭаны. Раԥхьаӡатәи редакторс дыҟан аԥышәа бзиа змаз ажурналист Николаи Џьонуа.
"Иазгәаҭатәуп, усҟантәи аамҭазы апартиа, аидеологиа, ацензура уҳәа акыр ишыӷәӷәаз. Ажурналистцәа ракәзар, арҭқәа зегьы ҳасаб рзымушьа рымамызт, асовет система "азакәанқәа" рыла иҿаҳәан, рхы иақәиҭны аус руртә еиԥш алшара рымамызт. Агазеҭ "Аԥсуа университет" официалла ауниверситет аректорати, апарткоми, азанааҭкоми, акомҿар еидгылеи ирорганны иԥхьаӡан. Аха уи ҟалеит ҳаԥсуа милаҭ ирҿахәҳәаганы, Аԥснытәи аҳәынҭқарратә университет аԥсҭазаара иасаркьаны", - ҳәа иҳәоит Чхамалиа.
© Foto / facebook/Аҵарадырра аҳәаақәаАгазеҭ "Аԥсуа университет" раԥхьаӡатәи аномер
Газета Агу - Sputnik Аҧсны, 1920, 24.12.2021
Агазеҭ "Аԥсуа университет" раԥхьаӡатәи аномер
Иҭыҵуан х-бызшәак рыла: аԥсышәала, қырҭшәала, урыс бызшәала. Агазеҭ ауниверситет мацара акәымкәан, ҳаԥсуа жәлар рмилаҭ рҿахәы зҳәо газеҭны иҟалеит.
"Агазеҭ раԥхьатәи аредактор Николаи Џьонуа илшеит аколлектив бзиа аидкылара, иадиԥхьалеит авторцәа ргәыԥ, апрофессор-рҵаҩратә еилазаара, астудентцәа. Иаҳҳәап, егьырҭ аҳәынҭқарратә газеҭқәа "Советская Абхазия", "Аԥсны ҟаԥшь", урҭ еиҳа ацензурала иҿаҳәан, ауниверситеттә газеҭ аҟны акәзар, еиҳа амҩақәа аартын. Уи зыбзоураз, зегь раԥхьа иргыланы, аҵараиурҭа анапхгара иааныркылоз апозициа акәын. Амилаҭ-хақәиҭратә қәԥара иадҳәалаз азҵаарақәа, еиҳарак ҳаԥсуа жәлар рзинқәа рыхьчара иадҳәалаз атемақәа, ауниверситет аԥсҭазаара, астуденттә ԥсҭазаара, иҵарыз азҵаарақәа цәырнагон агазеҭ", - ҳәа азгәеиҭоит Алхас Чхамалиа.
© Foto / facebook/Аҵарадырра аҳәаақәаАгазеҭ раԥхьатәи аредактор Николаи Џьонуа изку аҭӡы
Газета Агу - Sputnik Аҧсны, 1920, 24.12.2021
Агазеҭ раԥхьатәи аредактор Николаи Џьонуа изку аҭӡы
Агазеҭ усҟантәи ааҭазы зтираж рацәоу ҳәа иԥхьаӡан, иҭыҵуан еиԥҟьарада есымчыбжьа. Аинформациа аларҵәаразыҳәаны агазеҭ "Аԥсуа университет" ҿахәҳәагас иҟан, иара ауниверситет акәша-мыкәша аҵарадырра азҵаарақәа инарываргыланы , амилаҭ зинқәа рыхьчараҿы даараӡа аҵакы змоу газеҭны иҟалеит. Ишьҭнахуан ихадароу атемақәа: аҵарааӡара апроцесс иаҵанакуа, иреиҳау аҵарадырра азҵаарақәа, ганрацәала еиларсу астуденттә ԥсҭазаара.
Агазеҭ аҭоурыхтә мҩаҟны иҟан аиҵахарақәагьы. Аԥсны Аџьынџьтәылатә еибашьра ашьҭахь Аԥсуа университет аиҭаҿиара амҩақәа азылнахуан, уи иаҭахын аамҭа, иҭыҵуамызт агазеҭгьы. Хышықәса рышьҭахь, абҵарамза 1996 шықәсазы иҭыҵит аибашьрашьҭахьтәи агазеҭ актәи аномер.
Иахьатәи аамҭазы агазеҭ "Аԥсуа университет" қәҿиарала иҭыҵуеит. Аԥснытәи аҳәынҭқарратә университет аректор Алеко Гәарамиа ицхыраара абзоурала агазеҭ аиҭакра бзиақәа ирыниеит. Ашкәакәа-аиқәаҵәа аԥшшәы аҟынтә ииасын, еиҳа аԥхьаҩ илахь иааиуа аԥшшәқәа аанахәеит, зхаҭабзиара ҳараку ақьаад азыԥшаахеит.

"Иахьа ҷыдала азҿлымҳара аҳҭоит агазеҭ астудентцәа радԥхьалара аус, авторцәа ргәыԥ аиҿкаара, аредакциа - ари астудентцәа иргәеисырҭаны иҟаларц ҳҭахуп. Иахьатәи аамҭазы агазеҭ мызкахьы знык иҭыҵуеит. Аинформациа шырацәоугьы, зегьы аномер аҿы иаҳзарбаӡом: иҟоуп иажәуа, мамзаргьы актуалра зцәыӡуа аинформациа. Убри аҟынтә, ауниверситет анапхгара рыцхыраарала, иаԥаҳҵеит ихадоу асоциалтә ҳақәа рҟны ҳгазеҭ адаҟьақәа: Facebook, Instagram, Яандекс-дзен реиԥш иҟоу аплатформақәа рҿы. Аинтернет ахь есыҽны иҭаагалоит иҿыцу аинформациа. Иҟоуп астудентцәа рхала еиуеиԥшым атемақәа рзы ргәаанагарақәа анаҳзаарышьҭуагьы, рыстатиақәа ананаҳҵо", - ҳәа иҳәоит агазеҭ аредактор хада.

Агазеҭ ианылоит информациак аҳасабала ауниверситет аҩныҵҟа имҩаԥысуа ахҭысқәа зегьы: асасцәа анаҭаауа, аиԥыларақәа анымҩаԥысуа, аконференциақәа уҳәа еиуеиԥшым аилатәарақәа аныҟоу. Аоперативтә ҟазшьа аиурц азыҳәаны, аинтернет цхыраагӡоуп.
Аԥснытәи аҳәынҭқарратә Университет имҩаԥнаго аусмҩаԥгатәқәеи уи иамоу аҵаки инагӡаны ҳауаажәлари Ауниверситет иҭалараны иҟоу астудентцәеи рызнагара, рабардырра ауп ауп хықәкыс иамоу агазеҭ "Аԥсуа Университет". аԥхьаҩцәеи ҳареи ҳаимадара еиԥҟьомызт. Агазеҭ иаҭахуп харџьқәак - атипографиаҿы аҭыжьра, атираж акьыԥхьра уҳәа. Ҳуниверситеттә типографиа аус анамуаз, "Акьыԥхь ҩны" аҟны иҭҳажьуан, уи иацын ауадаҩра маҷымкәа. Аха, анцәа иҟынтә, атәыла анапхгареи ауниверситет аректор, академик Алеко Гәарамиеи рыбзоурала ауниверситеттә типографиа еиҭашьақәыргылоуп, еиқәыршәоуп иақәнагоу техникала. Уажәы ҳара ари атипографиаҿы иҭҳажьит аиубилеитә номер. Агазеҭ шааҭыҵлак еиԥаш, еихаҳшоит афакультетқәеи аҟәшақәеи зегь рахь", - ҳәа иҳәоит Чхамалиа.
Алхас Чхамалия. - Sputnik Аҧсны, 1920, 25.12.2016
Арадио
Чхамалиа: агазеҭ "Аԥсуа университет" аҟны аԥыжәара амоуп аԥсышәала иҩҩу астатиақәа
Агазеҭ "Аԥсуа университет" ахықәкқәа иреиуоуп Аԥснытәи аҳәынҭқарратә университет имҩаԥнаго аусмҩаԥгатәқәеи уи иамоу аҵаки инагӡаны ҳауаажәлари Ауниверситет иҭалараны иҟоу астудентцәеи рызнагара, рырдырра.
"Ҳусураҿы акыр ҳаимадоуп афакультетқәеи ҳареи. Ауниверситет анапхгара реиԥш, ацхыраара ҳарҭоит адеканцәагьы. Заанаҵы адырра ҳарҭоит дасу имҩаԥырго аусмҩаԥгатәқәа рзы. Астудентцәа ртәы ҳҳәозар, ҷыдала ҳаимадоуп В. П. Анқәаб ихьӡ зху алитературатә кабинет аҟны еиҿкаау арҿиаратә еилазаара "Ацәыкәбар" иалоу аҿари ҳареи. Араҟа еилых-еилаҵа ҳамаӡам, дарбанзаалакгьы ҳуниверситет астудент изы аредакциа ашәқәа еснагь иаартуп. Алитература аганахьала зхы ԥызшәо авторцәа рҩымҭақәа ҳадыргалоит. Нас урҭ иреиӷьқәоу алԥшааны агазеҭ ианаҳҵоит, рыхьӡ ӡыраагоит. Астудентцәа ауниверситет анҭыҵ ныҟәара ҳәа џьара ицазар, еиԥыларак мҩаԥыргазар, аинформациа ҳзаарышьҭуеит, ҳара уи иаразнак асоциалтә ҳақәа рахь иҭаагалоит", - ҳәа иҳәоит аредактор хада.
Алхас Чхамалиа иазгәеиҭеит, агазеҭ "Аԥсуа университет" ала ҳмилаҭтә ҵараиурҭа аӡбахә атәыла анҭыҵгьы лассы-лассы ираҳауа, ирбо аҟаҵара рыҽшазыршәо. Убас, дазааҭгылеит Германиа, Гамбург ақалақь аҿы иаԥҵоу Европатәи ауниверситетқәеи иреиҳау ашкол арҵаҩцәеи рассоциациеи дареи аимадарақәа шрыбжьоу, иаргьы хаҭала ари ассоциациа "ҳаҭыр зқәу алахәыла" ҳәа ахьӡ шихҵоу:
АГУ  - Sputnik Аҧсны, 1920, 13.02.2021
"130-ҩык рышәҟәы": Аԥснытәи аҳәынҭқарратә университет 42 шықәса ахыҵит
"Германиа аҳәынҭқарра Гамбург ақалақь аҟны акыршықәса раԥхьа иаԥҵан Европатәи ауниверситетқәеи иреиҳау ашкол арҵаҩцәеи рассоциациа. Дара аинтерес рымоуп адунеизегьтәи ауниверситетқәа русура ацклаԥшра, азҿлымҳара аҭара. Абас ҳуниверситет аӡбахә раҳаит асоциалтә даҟьақәа рыбзоурала. Ҳуниверситет иазҿлымҳахеит, ашәҟәы ҳзырҩит аредакциа ахьӡала, аимадара ҳабжьаҳҵеит. Ҳгазеҭ аиубилеи амш азыҳәаны адныҳәалара ҳзаарышьҭит. Уи ҳара ҳзыҳәаны даараӡа акраҵанакуеит", - ҳәа иҳәоит иара.
Агазеҭ "Аԥсуа университет" ҭыҵуеит мызкахьы знык, урысшәалеи аԥсышәалеи, атираж 500 цыра ыҟоуп. Аус адырулоит аредактор хада, ҩыџьа акорреспондентцәа, акорректор.
Ажәабжьқәа зегьы
0