https://sputnik-abkhazia.info/20220106/odkb-azakhsana-aynchreikaatsa-rynashra-ialageit-1037038921.html
ОДКБ Ҟазахсҭанҟа аҭынчреиҿкааҩцәа рдәықәҵара иалагеит
ОДКБ Ҟазахсҭанҟа аҭынчреиҿкааҩцәа рдәықәҵара иалагеит
Sputnik Аҧсны
Архәҭақәа аларгаларц уаанӡа аҳәара ҟаиҵахьан атәыла ахада Касым-Жомарт Токаев. 06.01.2022, Sputnik Аҧсны
2022-01-06T12:45+0300
2022-01-06T12:45+0300
2022-01-06T13:15+0300
ажәабжьқәа
https://cdnn1.img.sputnik-abkhazia.info/img/07e6/01/06/1037039235_0:101:2609:1569_1920x0_80_0_0_5127ce02773a6c794a313438b8877c85.jpg
АҞӘА, ажьырныҳәа 6 - Sputnik. Аколлективтә шәарҭадаразы аиқәшаҳаҭра аиҿкаара (ОДКБ) аконтингент аԥхьагылара зуа аҟәшақәа Ҟазахсҭан адҵақәа рынагӡара иалагахьеит ҳәа аанацҳауеит РИА Новости.Ҟазахсҭан ахада Касым-Жомарт Токаев ОДКБ ахь ацхыраара данаҳәоз иҳәеит аҳәаанырцәынтә иаашьҭу абандақәа шракәу атәылаҿы аиҿагыларақәа цәырҵыртә иҟазҵаз. Аколлективтә ҭынчреиҿкааратә мчрақәа уахь инашьҭуп аҭагылазаашьа ҭышәынтәалахаанӡа. Урыстәылатәи аруаа рыда уахь иалалоит ԥшь-тәылак рарбџьармчқәа рхаҭарнакцәа — Белоруссиа, Ермантәыла, Киргизиа, Ҭаџьикисҭан.Ҟазахсҭан аҿагыларатә акциақәа ирылагеит ашықәс ҿыц ҳшынҭалаз еиԥш. Мангистаутәи анефҭааглыхратә раион ақалақьқәа Жанаозени Актауи рҟны инхо ауааԥсыра амитингқәа рахь ицәырҵит амашьына абылтәы ҳасабла иҭарҭәо аӡшьартә нефҭтә газ ахә ҩынтә иахьышьҭыҵыз иаҿагыло. Ари аҩыза ахә ашьҭыҵра зыхҟьаз ҳәа Аенергетика аминистрра мзызс иаанагоит ажьырныҳәа 1 инаркны агаз ахәԥса аелектронтә биржатә хәаахәҭырҭақәа рҟны уи аҭахреи шаҟа рыдыргалои еиҿырԥшны ахәԥса шьақәдыргыло иахьалагаз азоуп ҳәа.Ажьырныҳәа 4 рзы атәыла аиҳабыра аҿагылара аазырԥшуа ауаа ирхаҵгыланы агаз ахәԥса аларҟәра ишазыхиоу шырҳәазгьы, ауаа уи иааннамкылеит, аҿагыларатә акциақәа егьырҭ ақалақьқәа рахьгьы ииасит.Ашьыжь ажьырныҳәа 5 рзы Ҟазахсҭан ахада Токаев атәыла аиҳабыра ԥхьатәара ишьҭит ишьақәгылаз аибарххарақәа рзы ахара рыдҵо. Уи адагьы, иара адҵа ҟаиҵеит аӡшьартә гази абылтәи рыхәԥса шықәсыбжак иалагӡаны аҳәынҭқарра иҭышәыннартәаларазы.Иара убас адырра ҟаиҵеит Ашәарҭадаратә хеилак ахантәаҩыс иара дшыҟалаз, уаанӡа иҟаз атәыла раԥхьатәи ахада Нурсултан Назарбаев ихаҭыԥан, уи адагьы аҭагылазаашьа аҭышәныртәаларазы ажәалагала ҿыцқәа иманы дышцәырҵуа иҳәеит. Токаев аҳәамҭа ҟаиҵеит ишҭахаз, ахәрақәа шроуз жәаҩыла амчратә усбарҭақәа русзуҩцәа, убри аҟнытә азинеилагаҩцәа раанкыларазы иџьбараны рхы шымҩаԥыргало азгәеиҭеит.Уи иазымӡырыҩкәа, агәынамӡара аазырԥшуа ауаа административтә хыбрақәеи аполициа аусбарҭеи рахь акымкәа ажәыларақәа мҩаԥыргеит, иҭахеит жәаҩыла ауааԥсыра.Sputnik Ҟазахсҭан ишаанацҳауа ала, 10:30 рзы аҿагылара аазырԥшуа ауаа ҩаԥхьа Алма-Ата Ареспублика ашҭаҿы аизара иаҿуп, уажәы уа 200-250-ҩык раҟара еизахьеит, убри аан азинхьчаҩцәа ҳәа аӡәгьы дыҟам.Атәыла зегь аҿы аҭагылазаашьа ҷыда арежим алагалоуп.
https://sputnik-abkhazia.info/20220106/akollektivt-sharadarazy-aishaara-aikaara-azakhsana-aynchreikaatsa-nanashueit-1037037991.html
https://sputnik-abkhazia.info/20220105/tokaev-akollektivt-sharadarazy-aishaara-aikaaray-ryztsa-rytskhyraara-daeit-1037037044.html
https://sputnik-abkhazia.info/20220106/azakhsan-aiabyra-atyla-zeg-ay-aagylazaasha-yda-arezhim-alargaleit-1037035424.html
Sputnik Аҧсны
media@sputniknews.com
+74956456601
MIA „Rosiya Segodnya“
2022
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
ажәабжьқәа
ОДКБ Ҟазахсҭанҟа аҭынчреиҿкааҩцәа рдәықәҵара иалагеит
12:45 06.01.2022 (ирҿыцуп: 13:15 06.01.2022) Архәҭақәа аларгаларц уаанӡа аҳәара ҟаиҵахьан атәыла ахада Касым-Жомарт Токаев.
АҞӘА, ажьырныҳәа 6 - Sputnik. Аколлективтә шәарҭадаразы аиқәшаҳаҭра аиҿкаара (ОДКБ) аконтингент аԥхьагылара зуа аҟәшақәа Ҟазахсҭан адҵақәа рынагӡара иалагахьеит ҳәа аанацҳауеит
РИА Новости. "Абыржәтәи аамҭазы Урыстәыла Аҳаир-космостә мчрақәа иртәу арра-транспорттә авиациа аҳаирпланқәа Ареспублика Ҟазахсҭанҟа инанагоит урыстәылатәи аҭынчреиҿкааҩцәа. Урҭ рахьтә аԥхьагылара зуа архәҭақәа ирырҭаз адҵақәа рынагӡара иалагахьеит", - ҳәа аанацҳауеит ОДКБ амаӡаныҟәгарҭа.
Ҟазахсҭан ахада Касым-Жомарт Токаев ОДКБ ахь ацхыраара данаҳәоз иҳәеит аҳәаанырцәынтә иаашьҭу абандақәа шракәу атәылаҿы аиҿагыларақәа цәырҵыртә иҟазҵаз.
Аколлективтә ҭынчреиҿкааратә мчрақәа уахь инашьҭуп аҭагылазаашьа ҭышәынтәалахаанӡа. Урыстәылатәи аруаа рыда уахь иалалоит ԥшь-тәылак рарбџьармчқәа рхаҭарнакцәа — Белоруссиа, Ермантәыла, Киргизиа, Ҭаџьикисҭан.
Ҟазахсҭан аҿагыларатә акциақәа ирылагеит ашықәс ҿыц ҳшынҭалаз еиԥш. Мангистаутәи анефҭааглыхратә раион ақалақьқәа Жанаозени Актауи рҟны инхо ауааԥсыра амитингқәа рахь ицәырҵит амашьына абылтәы ҳасабла иҭарҭәо аӡшьартә нефҭтә газ ахә ҩынтә иахьышьҭыҵыз иаҿагыло. Ари аҩыза ахә ашьҭыҵра зыхҟьаз ҳәа Аенергетика аминистрра мзызс иаанагоит ажьырныҳәа 1 инаркны агаз ахәԥса аелектронтә биржатә хәаахәҭырҭақәа рҟны уи аҭахреи шаҟа рыдыргалои еиҿырԥшны ахәԥса шьақәдыргыло иахьалагаз азоуп ҳәа.
Ажьырныҳәа 4 рзы атәыла аиҳабыра аҿагылара аазырԥшуа ауаа ирхаҵгыланы агаз ахәԥса аларҟәра ишазыхиоу шырҳәазгьы, ауаа уи иааннамкылеит, аҿагыларатә акциақәа егьырҭ ақалақьқәа рахьгьы ииасит.
Ашьыжь ажьырныҳәа 5 рзы Ҟазахсҭан ахада Токаев атәыла аиҳабыра ԥхьатәара ишьҭит ишьақәгылаз аибарххарақәа рзы ахара рыдҵо. Уи адагьы, иара адҵа ҟаиҵеит аӡшьартә гази абылтәи рыхәԥса шықәсыбжак иалагӡаны аҳәынҭқарра иҭышәыннартәаларазы.
Иара убас адырра ҟаиҵеит Ашәарҭадаратә хеилак ахантәаҩыс иара дшыҟалаз, уаанӡа иҟаз атәыла раԥхьатәи ахада Нурсултан Назарбаев ихаҭыԥан, уи адагьы аҭагылазаашьа аҭышәныртәаларазы ажәалагала ҿыцқәа иманы дышцәырҵуа иҳәеит. Токаев аҳәамҭа ҟаиҵеит ишҭахаз, ахәрақәа шроуз жәаҩыла амчратә усбарҭақәа русзуҩцәа, убри аҟнытә азинеилагаҩцәа раанкыларазы иџьбараны рхы шымҩаԥыргало азгәеиҭеит.
Уи иазымӡырыҩкәа, агәынамӡара аазырԥшуа ауаа административтә хыбрақәеи аполициа аусбарҭеи рахь акымкәа ажәыларақәа мҩаԥыргеит, иҭахеит жәаҩыла ауааԥсыра.
Sputnik Ҟазахсҭан ишаанацҳауа ала, 10:30 рзы аҿагылара аазырԥшуа ауаа ҩаԥхьа Алма-Ата Ареспублика ашҭаҿы аизара иаҿуп, уажәы уа 200-250-ҩык раҟара еизахьеит, убри аан азинхьчаҩцәа ҳәа аӡәгьы дыҟам.
Атәыла зегь аҿы аҭагылазаашьа ҷыда арежим алагалоуп.
