2021 шықәсазы шәахтә ҳасабла Аԥсны абиуџьет иалагалан 3 394,5 млн. мааҭ
13:00 13.01.2022 (ирҿыцуп: 16:09 13.01.2022)
© Sputnik / Владимир Трефилов
/ Анапаҵаҩра
Иҳаҩсыз ашықәс азы Аԥсны абиуџьет ахь ашәахтәқәа ралалара аплан иарбан 2 958,8 млн. мааҭ аԥара, инагӡан 115% рыла.
АҞӘА, ажьырныҳәа 13 - Sputnik. 2021 шықәсазы шәахтә ҳасабла Аԥсны абиуџьет иалагалан 3 394,5 млн. мааҭ, абри атәы аанацҳауеит Аԥсны ашәахтәқәеи аизгақәеи рзы аминистрра.
2020-тәи ашықәс ԥхынҷкәынмзазы иалагалаз ашәахтәқәа ирҿырԥшны, алагалара адинамика 136% инаӡоит, ԥаратә рбагала уи ишьақәнаргылоит 890,4 млн. мааҭ.
2021-тәи ашықәс иалагӡаны Аԥсны араионқәа рҟны иалагалан анаҩстәи ашәахтәқәа:
Аҟәа ақалақь – иалагалан 1 727,3 млн. мааҭ, иазгәаҭан 1 591,2 млн. мааҭ. Аплан нагӡоуп 109% рыла.
Гагра араион – иалагалан 879,4 млн. мааҭ, иазгәаҭан 747,4 млн. мааҭ. Аплан нагӡоуп 118% рыла.
Гәдоуҭа араион – иалагалан 353,8 млн. мааҭ, иазгәаҭан 235,0 млн. мааҭ. Аплан нагӡоуп 151% рыла.
Аҟәа араион – иалагалан 153,4 млн. мааҭ, иазгәаҭан 134,2 млн. мааҭ. Аплан нагӡоуп 114% рыла.
Гәылрыԥшь араион – иалагалан 82,3 млн. мааҭ, иазгәаҭан 63,4 млн. мааҭ. Аплан нагӡоуп 130% рыла.
Очамчыра араион – иалагалан 120,4 млн. мааҭ, иазгәаҭан 121,6 млн. мааҭ. Аплан нагӡоуп 99% рыла.
Тҟәарчал араион – иалагалан 27,1 млн. мааҭ, иазгәаҭан 22,3 млн. мааҭ. Аплан нагӡоуп 121% рыла.
Гал араион – иалагалан 50,8 млн. мааҭ, иазгәаҭан 43,7 млн. мааҭ. Аплан нагӡоуп 116% рыла.
Иаҳхысыз ашықәс ԥхынҷкәынмза иалагӡаны, Аԥсны Аҳәынҭқарра Ашәахтәқәеи аизгақәеи рминистрра еизнагеит 304,5 млн.мааҭ, аплан ишьақәнаргылон 310,1 млн. мааҭ. Аплан нагӡоуп 98% рыла.
