Микрофон  - Sputnik Аҧсны, 1920
Арадио

Барцыц: асы аҟара аԥсабара зрыцқьо макьана акгьы ыҟаӡам

Барцыц: асы аҟара аԥсабара зрыцқьо макьана акгьы ыҟаӡам
Анапаҵаҩра
Yandex newsTelegram
Асы аԥсабараҿы ҵакыс иамоу, насгьы, Аԥсны иахьаҵанакуа уи иадҳәалоу аҭҵаарақәа иаадырԥшуа атәы, асы Жәларбжьаратәи амш азы арадио Sputnik аефир аҿы еиҭеиҳәеит Леуард Барцыц.
Ажьырныҳәамза амҽышақәа руак азы Адунеи аҿы иазгәарҭоит асы амш. Сынтәа амза 16 рзы иақәшәеит.
"Асы алԥха умазааит!" ҳәа рҳәон аԥхьа асы збаз изы, Асы алеира, асы ашьақәгылара, асы иабзоураны аҵааршәқәа рыҟалара, урҭ рырҿиара, урҭ рынхара, аԥсабара акырӡа иадҳәалоуп аԥхынра аасҭа. Аԥсуаа рҿы анхаҩы ианакузаалакгьы аӡынроуп дыззыԥшыз, аӡынра иҽазыҟаиҵон. Асы илеиз ҳаԥхьаҟа аԥхынра ҳӡиасқәа роуп, урҭ рыцқьара, урҭ рҭышәынтәалара иадҳәалоуп. Иахьа Аԥсны аҳаирлшәшәақәа қәаны илеиуа акырӡа еиҳахеит. Уаанӡа аԥшаҳәа иахьаҵанакуа илеиуан 1400-1600 миллиметр рҟынӡа. Уажәы еиҳахо иалагеит. Аҳауацәаакыра акырӡа ишьҭыҵит. Ҳаӡқәа рбеира, рынырха акырӡа иуашәшәырахеит, избанзар, ашьха ишьҭалоз асы акырӡа имаҷхеит. Хԥа-ԥшьба метр асы ахьышьақәгылоз, сынтәа макьаназы метраки бжаки роуп иахьыҟоу, ари акырӡа имаҷуп. Даара иџьаушьаратәы", - ҳәа иҳәеит Барцыц.
Аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0